سعودی عربیہ: اسکولوں کے فائنل امتحانات کے بعدبڑی تعدادمیں ہوگا طلباء کا خروج؛ نئی پالیسی سے کئی فیملی بھی وطن واپس جانے پر مجبور

Source: S.O. News Service | By I.G. Bhatkali | Published on 13th March 2018, 9:16 PM | خلیجی خبریں |

جدہ 13؍مارچ(ایس او نیوز) سعودی عربیہ میں خارجی باشندوں کے تعلق سے اپنائی گئی جدید پالیسی نے ایک طرف ملازمت اور دوسری طرف تجارت پیشہ افراد کے لئے بے انتہا مشکلات اور مصائب کاسلسلہ شروع کردیا ہے۔ سب سے بڑھ کر متاثر ہونے والے افراد وہ ہیں جو اپنی فیمیلی کے ساتھ سعودی عربیہ کے مختلف شہروں میں آباد ہیں۔ ویزا کے نئے قوانین ،بڑھی ہوئی قیمتوں کے علاوہ عمارتوں کے نئے قوانین، اجیر فیس اور فیمیلی کے لئے dependent's feeکے نام پر جو ماہانہ ٹیکس لگایا گیا ہے اس سے پریشان ہوکر اب تمام بیرونی ممالک کے باشندے سعودی سے انخلاء یا اپنے بیوی بچوں کو اپنے اپنے وطن واپس بھیجنے پر مجبور ہوگئے ہیں۔

 ایک رپورٹ کے مطابق سعودی عرب کی اس نئی پالیسی سے متاثرہونے والوں میں ایک بہت بڑا شعبہ طالب علموں کا ہے، جن کی بڑی تعداد فائنل امتحانات کے بعد اپنے اپنے ملکوں کی طرف واپس لوٹے گی۔ لیکن یہ طلباء برادری کے لئے ایک دکھ اور رنج کا موڑ بن گیا ہے کیونکہ ان میں سے کثیر تعداد وہ ہے جو یہیں سعودی شہروں میں پیداہوئے، یہیں پلے بڑھے اور اسکولوں میں تعلیمی سلسلہ جاری رکھتے آئے ہیں۔ایسی صورت میں مختلف ممالک سے تعلق رکھنے والے طلباء کے لئے اپنے ہم جماعت ساتھیوں اور سعودی عربیہ کے ماحول کو ہمیشہ کے لئے الوداع کہنا بے حد درد اور کرب انگیز لمحہ بن گیا ہے۔ سعودی عرب سے یہ خروج ان کے لئے ذہنی اور جذباتی حیثیت سے ایک صدمہ بن گیا ہے، جس کے بارے میں و ہ روزانہ اپنے دوستوں اور ہم جماعتوں سے گفتگو کرتے رہتے ہیں۔ 

یہاں کے کمیونٹی اسکولوں میں فائنل امتحانات مارچ میں اور نجی اسکولوں میں یہ امتحانات مئی اور جون میں اختتام پزیر ہورہے ہیں۔ اور ان تمام اسکولوں کو طلباء کی ایک بہت بڑی تعداد کے اخراج کا مرحلہ درپیش ہے۔جدہ میں موجود ایک بہت مشہور اسکول کے ذمہ دار نے بتایا کہ ’’کچھ جماعتوں میں طلباء کی نصف سے زائد تعداد نے اطلاع دی ہے کہ وہ لوگ امتحانات کے بعد اسکول سے خارج ہونے والے ہیں۔‘‘کچھ اسکول والے والدین سے یہ جانکاری حاصل کررہے ہیں کہ کتنے لوگ ان کے اسکول میں اپنی تعلیم جاری رکھنے اور کتنے لوگ اسکولوں سے نکل جانے والے ہیں۔ایک اور بڑے اسکول کے ذمہ دار نے بتایا کہ ہم اسکول کی عمارتوں کابہت بھاری کرایہ اداکرتے ہیں، اس لئے ہمیں آئندہ اپنے اسکولوں میں باقی رہنے والی طلباء کی تعداد کے بارے میں تیقن کرلینا ضروری ہوگیا ہے۔ چونکہ نئے داخلوں کی تعداد گھٹتی جارہی ہے اور اسکولوں کے اخراجات بڑھتے جارہے ہیں، اس لئے امکانی طور پر کئی اسکولوں کا وجود ہی خطرے میں پڑ گیا ہے۔اس صورتحال سے نمٹنے کے لئے کچھ اسکول والے ماہانہ اسکول فیس کے بجائے یکمشت رقم طلب کررہے ہیں اور کچھ اسکول والے بچوں کے خروج کو روکنے کے لئے ترغیبی سہولتیں مہیا کرنے کی کوشش بھی کررہے ہیں۔دمام سے ملی ایک اطلاع کے مطابق وہاں پر موجود ایک مشہور اسکول نے پہلے سے موجود طلبا ء کے اخراج اور نئے داخلوں میں کمی کے پس منظر میں نیا داخلہ لینے والوں کے لئے اپنی ماہانہ فیس ایک سو ریال سے بڑھاکر چار سو ریال ماہانہ کردی ہے۔

لہٰذا کہا جاسکتا ہے کہ آئندہ ایک دو مہینوں کے بعد سعودی عرب کے نئے قوانین اور خارجیوں کے تعلق سے نئی پالیسی سے جو شعبہ بہت زیادہ متاثر ہوگا وہ تعلیم گاہیں ہونگی جن کی سرگرمیوں پر بالواسطہ ایسامنفی اثر پڑے گاکہ بہت سارے تعلیمی ادارے شاید ہمیشہ کے لئے بند ہوجائیں گے۔ اور ان تعلیمی اداروں کی وجہ سے دوستی اوریگانگت میں بندھے ہوئے ہزاروں طلباء اپنے ذہنوں میں یادوں کا البم سجائے ہمیشہ کے لئے ایک دوسرے سے جدا ہوجائیں گے۔
 

ایک نظر اس پر بھی

بھٹکل انجمن انجینئرنگ کالج کے فارغین کی دبئی میں نشست؛قائد قوم نے کہا؛ فارغین کا ساتھ ملا تو انجمن کی کامیابی یقینی

گذشتہ دنوں دبئی میں قائد قوم ڈاکٹر ایس ایم سید خلیل الرحمن صاحب کی رہائش گاہ پر بھٹکل انجمن انجنیرنگ کالج کے فارغین کی ایک خصوصی نشست منعقد ہوئی جس میں انجمن انجنیرنگ کالج کے اولین بیچBatch کے فارغین نے بھی شرکت کی ۔

کیرالہ کی این آر آئی خاتون نے منگلورو ایئرپورٹ اسٹاف پر لگایا ،جان بوجھ کر پاسپورٹ پھاڑنے کا الزام؛ ائرپورٹ ڈائرکٹر نے الزام کو کیا خارج

 پڑوسی ریاست کیرالہ۔  کاسرکوڈ کے  ایک این آر آئی نے   الزام لگایا ہے کہ منگلورو انٹرنیشنل ایئر پورٹ پر سیکیوریٹی اسٹاف نے جان بوجھ کر اس کی بیوی کا پاسپورٹ اُس وقت   پھاڑ دیا جب وہ اپنے دو چھوٹے بچوں کے ساتھ دبئی روانہ ہونے کے لئے پہنچی تھی۔پاسپورٹ پھاڑنے کے بعد  ائرپورٹ ...

دبئی کے قریب عجمان میں منعقدہ نوائط پریمیر لیگ کرکٹ ٹورنامنٹ میں ڈی وی ایس یونائٹیڈ کی شاندار جیت؛ الکریمی چیلنجرس کو فائنل میں شکست

دبئی کے قریب عجمان کے  ایڈن گارڈن میدان میں منعقدہ ایز ٹیکس نوائط پرئمیر لیگ (این پی ایل)  کرکٹ کا پہلا ٹورنامنٹ  ڈی وی ایس یونائیٹید نے جیت لیا، جس کے ساتھ ہی  پانچ ٹیموں پر مشتمل یہ ٹورنامنٹ کامیابی کے ساتھ اختتام پذیر ہوا۔

نوہیرا شیخ کے خلاف چارج شیٹ داخل ہونے پر دبئی سے سرمایہ لگانے والوں نے کیا خیر مقدم، لیکن رقم واپس ملنے کے تعلق سے شش و پنج برقرار

’ہیرا گروپ‘ کی پونزی اسکیم میں سرمایہ لگاکر فریب کھانے والے خلیجی ممالک میں مقیم افراد نے کمپنی کی سی ای او   نوہیرا شیخ کے خلاف ممبئی میں چارج شیٹ داخل کیے جانے کا خیر مقد م کیا ہے۔ مگر ان میں سے بہت سارے لوگ اپنی رقم واپس ملنے کے تعلق سے زیادہ پُر امید بھی نظر نہیں آرہے ہیں۔

دبئی میں راہل نے اخبار نویسوں سے کہا؛ ’بی جے پی مشتعل اور غیر روادار؛ کررہی ہے ہمارے اداروں کو برباد؛ مگر ہم اب اُنہیں ایسا کرنے دیں گے

متحدہ عرب امارات کے دورہ پر پہنچے راہل گاندھی نے دبئی میں پریس کانفرنس سے خطاب کرتے ہوئے مودی حکومت پر راست حملہ کیا اور  کہ  ’’بی جے پی مشتعل اور غیر روادار ہو رہی ہے اور ہمارے اداروں کو برباد کر رہی ہے، جیسا کہ  سپریم کورٹ ، ریزرو بینک اور الیکشن کمیشن   آف انڈیا  میں ...

دبئی میں راہول گاندھی نے کہا؛ میں آپ کے من کی بات سننے آیا ہوں؛ ہزاروں کی بھیڑ میں راہول کا چل گیا جادو؛ راہول۔راہول کے نعرے

کانگریس کے صدر راہل گاندھی نے کہاکہ آئندہ برس ہونے والے عام انتخابات کے بعد مرکز میں ان کی حکومت بننے پر آندھراپردیش کو خصوصی ریاست کا درجہ دیا جائے گا۔متحدہ عرب امارات کے اپنے پہلے دورہ پر آئے مسٹر گاندھی نے جمعہ کو شرمک کالونی میں رہنے والے ہندوستانیوں سے خطاب کرتے ہوئے کہا ...