زوال کی طرف بڑھ رہی ہے بی جے پی،دم واپسیں تڑپارہی ہے رام کی یاد: پرمود تیواری

Source: S.O. News Service | By Jafar Sadique Nooruddin | Published on 6th November 2018, 9:08 PM | ملکی خبریں |

الہ آباد:6/نومبر(ایس او نیوز/آئی این ایس انڈیا)کانگریس رابطہ کمیٹی کے رکن اور سابق ممبر پارلیمنٹ پرمود تیواری نے یوپی حکومت کی طرف سے آج ایودھیا میں دیوالی منائے جانے اور وہاں رام کی مورتی لگائے جانے کے ممکنہ اعلان پر کہا ہے کہ مرتے ہوئے لوگ ہمیشہ آخری وقت میں رام کی ہی یاد آتی ہے۔ پرمود تیواری کے مطابق ملک کے تمام ریاستوں میں ہو رہے ضمنی انتخابات کے نتائج سے صاف ہے کہ مودی حکومت کی الٹی گنتی شروع ہو گئی ہے اور بی جے پی اب خاتمے کی طرف بڑھنے لگی ہے۔ ایسے میں اس نے ایک بار پھر رام نام کا سہارا لیا ہے۔پرمود تیواری کا الزام ہے کہ بی جے پی مندرااٹس نام کی بیماری میں مبتلا ہے اور ہر الیکشن سے پہلے وہ مندر کاراگ الاپنے لگتی ہے، لیکن رام بھی اب بی جے پی کو اپناآشیروادنہیں دیں گے۔ ان کے مطابق بی جے پی نے پانچ ریاستوں میں ہو رہے انتخابات میں مسائل کو بھٹکانے اور عوام کی ناراضگی سے بچنے کے لئے ایک بار پھر رام کے نام پر نوٹنکی شروع کی ہے، لیکن اس وقت وہ اپنے اس مہم میں قطعی کامیاب نہیں ہو پائے گی۔ پرمود تیواری نے کرناٹک ضمنی انتخابات میں پارٹی اتحاد کو ملی جیت پر بی جے پی پر سیاسی نشانہ لگاتے ہوئے اسے پانچ ریاستوں میں ہو رہے اسمبلی انتخابات اور اگلے سال ہونے والے لوک سبھا انتخابات کا ٹریلر قرار دیا ہے۔ انہوں نے کہا ہے کہ عوام اب پی ایم مودی اور ان کی حکومتوں کے جھوٹ اور وعدہ خلافی سے تنگ ہو چکی ہے اور اسی وجہ سے وہ جہاں بھی موقع ملتا ہے، وہیں انہیں کرارا سبق سکھا رہے ہیں ۔۔ان کا کہنا ہے کہ کرناٹک کے نتائج سے یہ صاف ہو گیا ہے کہ ملک میں مودی حکومت کی الٹی گنتی شروع ہو گئی ہے۔ پرمود تیواری کے مطابق جس طرح کرناٹک میں کانگریس اتحاد کو چار سیٹوں پر کامیابی ملی ہے، اسی طرح پانچ ریاستوں میں ہو رہے اسمبلی کے انتخابات میں بھی کانگریس چار ریاستوں میں کامیابی حاصل کرے گی۔ 

ایک نظر اس پر بھی

اعظم خان کے سامنے بی جے پی کا کوئی بھی ہتھکنڈہ کارگر نہیں ہوگا: مایاوتی

اترپردیش کے رامپور پارلیمانی سیٹ سے سماجوادی کے قدآور لیڈر و پارٹی امیدوار اعظم خان کی حمایت میں ووٹروں سے ووٹ کرنے کی اپیل کرتی ہوئیں بی ایس پی سپریمو مایاوتی نے کہا کہ مرکز میں برسراقتدار پارٹی لاکھ ہتھکنڈے اپنائے لیکن رامپور سے اتحاد کے امیدوار اعظم خان کی جیت یقینی ہے۔

مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

فلم کے بعد پی ایم مودی پربنی ویب سیریز کے نشریات پربھی الیکشن کمیشن نے لگائی روک

وزیر اعظم نریندر مودی کے ساتھ منسلک ایک ویب سیریز کو الیکشن کمیشن کی جانب سے جھٹکا لگا ہے۔دراصل الیکشن کمیشن نے اس ویب سیریز کو ریلیز کر رہے پلیٹ فارمس ارس ناؤ کو نوٹس جاری کر اسے فوری اثر سے ہٹانے کا حکم دیا ہے۔