بھٹکل: کانگریس کے روڈ شو میں پاکستانی پرچم : ایف آئی آر درج

Source: S.O. News Service | By Abu Aisha | Published on 10th May 2018, 9:19 PM | ساحلی خبریں | ان خبروں کو پڑھنا مت بھولئے |

بھٹکل 10/مئی (ایس او نیوز) شہر بھٹکل میں ہوئے  کانگریس کے روڈ شو میں پاکستانی پرچم لہرائے جانے کی جھوٹی خبر سوشیل میڈیا پر پھیلائے جانے  کو لے کر  بھٹکل شہری پولس تھانے میں کیس درج کیا گیا ہے۔

ذرائع سے ملی اطلاع کے مطابق اس معاملے میں شرالی کے مکین چندرو نائک کو ملزم ماناگیا ہے۔ بتایا گیا ہے کہ بیلگام شمالی حلقہ کے کانگریس امیدوار فیروز سیٹھ  کی ریلی میں نظر آنے والے  سبز پرچم کو ہی پاکستانی جھنڈ ا  قرار دے  کر اس کو بھٹکل کے کانگریس روڈ شو سے منسلک کرکے کہا گیا تھا کہ یہ پاکستانی جھنڈا بھٹکل کانگریس روڈ شو میں لہرایا گیا ہے۔ سوشیل میڈیا میں اس جھنڈے کو دکھاتے ہوئے   لکھا گیا ہے کہ بھٹکل میں کانگریس کو ووٹ دیں گے تو بھٹکل کا پاکستان بننے میں  کوئی شبہ نہیں ہے ، ملزم چندرونائک  پر الزام ہے کہ اس نے متعلقہ مسیج کو سوشیل میڈیا پر وائرل کیا۔  اس سلسلے میں تمپا موگیر نے پولس تھانے میں شکایت دی تھی ۔ جس کے تحت کیس درج کرلینے کے بعد سرکل پولس انسپکٹر  گنیش کی قیادت میں جانچ  شروع کی گئی  ہے۔

تصویر میں دیکھ سکتےہیں کہ الکٹرانک میڈیا اور کئی ٹی وی چینلس نے بیلگام شمالی حلقہ کے کانگریس امیدوار فیروز سیٹھ کی ریلی  کو نشر کیا تھا اسی نشریہ کے  دوران  ایک مقام پر  سبز پرچم نظر آ رہا تھا۔ ملزم پر  اسی کو پاکستانی پرچم کہتے ہوئے جھوٹی خبر پھیلانے کا الزام ہے۔

ایک نظر اس پر بھی

بھٹکل کے مرڈیشور میں جانوروں سے بھری دو لاریوں پر نام نہاد گئو رکھشکوں کا حملہ ؛ لاری ڈرائیور اور کلینر کی بری طرح پیٹائی

یہاں مرڈیشور نیشنل ہائی وے پر جانوروں سے بھری دو لاریوں کو روک کر  لاری ڈرائیور اور کلینر کی بری طرح پیٹائی کرتے ہوئے دونوں لاریوں میں زبردست  توڑ پھوڑ کرنے کی واردات پیش آئی ہے، جس کے بعد لاریوں پر موجود  جانوروں کو راستے پر ہی آزاد چھوڑ کر  اُنہیں بھگائے جانے کی بھی اطلاع ...

بی جے پی نے جھوٹ اور غلط بیانی سے ہم کو شکست دی ہے: پرمود مادھو راج

غیر متوقع طور پر اپنے ہم جماعت اور بی جے پی امیدوار رگھو پتی بھٹ سے شکست کھانے کے بعد سابق کانگریسی ایم ایل اے پرمود مادھو راج نے کانگریسی کارکنان سے خطاب کرتے ہوئے کہا کہ بی جے پی نے منصوبہ بند طریقے سے جھوٹ اور غلط بیانی کے سہارے انہیں شکست دی ہے۔

بنٹوال میں ٹپر ٹرک کی ٹکر سے موٹر بائک سوار ہلاک۔ دوسراشدید زخمی

نیشنل ہائی وے 75پر ٹول ناکے کے قریب پیش آنے والے حادثے میں ایک ٹپر ٹرک نے موٹر بائک کو ٹکر ماردی جس کے نتیجے میں بائک سوار موقع پر ہی ہلاک ہوگیا جبکہ بائک کی پچھلی سیٹ پر سوار شخص شدیدزخمی ہوگیا اور اس کی حالت بہت ہی نازک بتائی جارہی ہے۔

موڈبیدری میں شراب کے نشے میں دھت ڈرائیور کی وجہ سے سیریل ایکسیڈنٹ۔تین زخمی 

گاندھی نگر میں ایک شراب کے نشے میں دھت ڈرائیور نے دو مقامات پر گاڑیوں کو ٹکر ماری جس کی وجہ سے تین افراد زخمی ہوگئے ۔ موصولہ رپورٹ کے مطابق کیرالہ کا رہنے والا ساجو کمارنشے کی حالت میں جیپ ڈرائیو کرتے ہوئے منگلورو سے موڈبیدری کی طر ف آرہا تھا۔

کیوبا میں مسافر طیارہ گر کر تباہ، 110 افراد ہلاک

کیوبا میں سرکاری فضائی کمپنی کا مسافر طیارہ ایئرپورٹ کے قریب گر کر تباہ ہوگیا جس کے نتیجے میں 110 افراد ہلاک اور 3 زخمی ہوگئے۔اطلاعات کے مطابق کیوبا کی قومی فضائی کمپنی کیوبن ایوی ایشن کا مسافر طیارہ دارالحکومت ہوانا کے جوز مارٹی بین الاقوامی ہوائی اڈے کے قریب گر کر تباہ ہوا۔

امریکی شہر سانتافے کے ایک ہائی اسکول میں طالب العلم نے شروع کی فائرنگ، نو طلبہ سمیت 10 ہلاک

امریکی ریاست ٹیکساس کے ایک ہائی  اسکول میں اُسی اسکول کے ایک طالب العلم  نے اندھا دھند فائرنگ شروع کردی جس کے  نتیجے میں ایک اسکول ٹیچر سمیت 10 طلبہ ہلاک اور متعدد زخمی ہوگئے پولیس نے بعد میں حملہ آور طالب العلم  کو گرفتار کرلیا۔ جس کی شناخت ڈیمیٹروس پگورٹزیز  کی حیثیت سے کی ...