چکبالاپور(صلاح الدین/ایس او نیوز)بنگلور کی ایک سافٹ ویر لڑکی سے شادی رچانے پر آمدہ کرنے کے لئے خود کو کے اے ایس آفیسر بتا کر دھوکہ دینے پر پولس نے متعلقہ شخص کو گرفتار کرلیا ہے۔ یہ واردات جمعرات کی رات کو شہر میں پیش آئی ہے ۔ نقتلی آفسر کی شناخت چکبالاپور ضلع کے دیاورہلی کا ساکن اشوتھ نارائین کی حیثیت سے کی گئی ہے جو، اب پولیس کا مہمان بن گیاہے۔
اطلاع کے مطابق اشوتھ نارائین نے ایک میریج بروکر کے ذریعہ بنگلور کی ایک سافٹ ویر انجینیرکو اپنے جال میں پھنساکر خود کو بڑے عہدہ پر فائز آفیسر بتایا اورلڑکی کے ساتھ اُس نے پورے گھروالوں کو اعتماد میں لیکر شادی کی بات پکی کرلی ابتدائی طور پر اشوتھ نے گزشتہ ماہ ہی منگنی کی رسم بھی انجام دی تھی۔طے شدہ دن کے مطابق بروز چہارشنبہ اورآج جمعرات کو چکبالاپور کے سری دیوی پیلیس میں دھوم دھام سے شادی ہونی تھی، مگرچہارشنبہ کی رات جب لڑکی والے شادی محل پہنچے تو دلہا غیر حاضرتھا تو فوراً اس سے رابطہ کرنے پر اشوتھ نے کہیں باہر ہونے کا بہانا بنایا لڑکی والوں نے اشوتھ کو ڈھائی لاکھ روپئے دے رکھے تھے بعد ازاں اشوتھ کی فریبی ظاہر ہونے لگی لڑکی والوں کو اشوتھ کی فریبی کی بھنک لگتے ہی انہوں نے چالاکی سے اشوت کو بلایا اور پولیس کو اس کی خبر دی لڑکی کی شکایت پر پولیس نے اشوتھ کو گرفتار کرکے دھوکا دہی کا معاملہ درج کرلیا اورآگے کی کاروائی شروع کردی۔دوسری طرف اشوتھ نے خود کو بے گناہ ثابت کرنے کی کوشش کی اُس نے بتایا کہ یہ سب بروکر کا کام ہے اُسی کے کہنے پراُس نے یہ کام کیا ہے۔ پولس اب معاملے کی چھان بین کررہی ہے۔