دہشت گردوں کیلئے جعلی نوٹ آکسیجن کی طرح ہے : راج ناتھ سنگھ
نئی دہلی:10؍اکتوبر ( ایس او نیوز؍آئی این ایس انڈیا )مرکزی وزیر اعلی راجنااتھ سنگھ نے آج کہا کہ دہشت گردی اور اس سے جڑے سماج دشمن عناصر کے لئے جعلی نوٹ ایک آکسیجن کی طرح کام کرتا ہے ۔ .یہاں قومی تفتیشی ایجنسی NIAکے صدر دفتر کا افتتاحی تقریب سے خطاب کرتے ہوئے مرکزی وزیر داخلہ راج ناتھ سنگھ نے اپنے تاثرات بیان کئے ،انہوں نے مزید کہا کہ کوئی مہذب ملک اپنے ملک کی زمین میں کسی طرح کی دہشت گردی کو قبول نہیں کرسکتا ، انہوں نے مزید کہا کہ دہشت گردی ایک لعنت ہے اور بھارت جیسا ایک عظیم جمہوری ملک اپنی زمین میں کسی قسم کی دہشت گردی ہرگز برداشت نہیں کرے گا۔NIAکی صدر دفتر کے افتتاحی تقریب سے خطاب کرتے ہوئے راج ناتھ سنگھ نے مزید کہا کہ جعلی کرنسی دہشت گردوں کیلئے آ کسیجن کی طرح کام کرتا ہے ؛ لہذا اولا جعلی کرنسی اور مبینہ دہشت گردی پر بلاتاخیر نکیل ڈالی جائے گی ۔