اڈپی میں محبت میں ناکامی سے مایوس نوجوان نے ریلوے ٹریک پر کی خودکشی
اڈپی12؍اگست (ایس او نیوز)محبت میں ناکامی سے مایوس ایک 20سالہ نوجوان نے اندرالی کے مقام پرجان بوجھ کر ٹرین کی زد میں آتے ہوئے خودکشی کرلی ہے۔ موصولہ تفصیلات کے مطابق اس طرح ہلاک ہونے والے نوجوان کا نام پرتیک بتایا جاتا ہے جو کہ نیٹور کا رہنے والا تھا۔
کہا جاتا ہے کہ چند دن پہلے پرتیک کا اس لڑکی کے ساتھ جھگڑا ہوگیا تھا جس سے وہ عشق کررہاتھا۔ اس کے بعد دو تین دن سے اس لڑکی نے پرتیک سے بات چیت بند کردی تھی۔اس سے شدید ذہنی تناؤ اور مایوسی کا شکار پرتیک دیر رات کو بغیر کسی کو کچھ بتائے اپنے گھر سے نکل گیا ۔ جب وہ صبح تک واپس نہیں لوٹا تو پریشان اور فکر مند والدین نے اس کی تلاش شروع کی ۔ کافی تلاش کے بعد اس کی کٹی اور کچلی ہوئی لاش اندرالی کے پاس ریلوے ٹریک پر پائی گئی ۔
پولیس نے معاملہ درج کرنے کے بعد تحقیقات شروع کردی ہے۔