نئی دہلی، 12؍جنوری(ایس او نیوز؍آئی این ایس انڈیا)پاکستان کے تئیں ہندوستان کے رخ میں بڑی تبدیلیاں محسوس کی گئی ہیں۔ تقریبا دو سال کی تلخی کے بعد ہندوستان اور پاکستان نے نہ صرف یہ کہ مذاکرات پر اتفاق کیا ہے بلکہ ان کے درمیان قومی سلامتی مشیر (این ایس اے)کی سطح پربات چیت بھی شروع ہوگئی ہے۔یہ خفیہ بات چیت گزشتہ سال کے آخری ہفتے (26دسمبر)میں بینکاک میں منعقد ہوئی تھی۔ابتدائی خاموشی کے بعد وزارت خارجہ نے آخر کار اسے جمعہ( 11جنوری)کو قبول کرلیا ہے۔ہندوستان نے پہلی بار اس بات کا اعتراف کیا ہے کہ ہندوستان اور پاکستان کی بینکاک میں این ایس اے کے ساتھ بات چیت ہوئی ہے۔ہندوستان نے جمعرات کو پہلی بار اس بات کی تصدیق کی کہ گزشتہ ماہ قومی سلامتی کے مشیر اجیت ڈوبھال اور ان کے پاکستانی ہم منصب ناصر خان جنجوا نے بینکاک میں ملاقات کی تھی۔اجلاس میں دہشت گردی سے لڑنے اور سرحد پار دہشت گردی کو ختم کرنے پرزوردیاگیاتھا۔وزارت خارجہ کے ترجمان رویش کمار نے کہا کہ جی ہاں، میں مانتا ہوں کہ بات چیت ہوئی تھی،میں اس بات کوبھی مانتاہوں کہ مسئلہ دہشت گردی کا تھا،علاقے میں دہشت گردی سے چھٹکارا حاصل کرنے کے بارے میں تبادلہ خیال کیا گیا، اس بات کوکیسے یقینی بنایاجائے کہ دہشت گردی اس خطے کو متاثر نہ کرے،میرے خیال میں ہم نے اس مذاکرات میں سرحد پار دہشت گردی کے مسئلے کو اٹھایا۔