ہندوستانی وکٹوں پر بالنگ کے تجربے سے آئی پی ایل میں فائدہ ملے گا: مناف
راج کوٹ،31مارچ(ایس او نیوز؍آئی این ایس انڈیا) گجرات لائنز کے تیز گیند باز مناف پٹیل نے آج کہا کہ ہندوستانی وکٹوں پر بولنگ کا تجربہ کار آئی پی ایل کے 10 ویں سیشن میں اہم کردار نبھائے گا کیونکہ ملک کے بیشتر وکٹ بلے بازی کے موافق ہیں۔مناف نے کہا کہ بیٹنگ دوستانہ ہندوستانی وکٹوں پر کھیلنے کا تجربہ بہت اہم ہے، قسمت سے گجرات لائنز کے پاس درمیانہ رفتار کے ایسے بالر ہیں جنہیں ہندوستانی وکٹوں پر کھیلنے کا کافی تجربہ ہے۔ مناف نے کہا کہ مجھے، پروین کمار، من پریت گونی اور دھول کلکرنی، درمیانہ رفتار کے تمام چار گیند بازوں کو ہندوستانی وکٹوں پر کھیلنے کا کافی تجربہ ہے، ہم سب ملک کے لئے کھیلے ہیں اور آئی پی ایل میں کھیلنے کا بھی کافی تجربہ ہے۔ ٹیم کے سینئر رکن کے طور پر کردار کے بارے میں پوچھنے پر مناف نے کہاکہ یہ بہت قابل فخر احساس ہے کہ میں ٹیم کے سینئر کھلاڑیوں میں سے ایک ہوں اور دیگر سینئر گیند بازوں کے ساتھ بولنگ شعبہ کی قیادت کروں گا لیکن ٹیم کا سینئر کھلاڑی ہونے کی وجہ سے مجھ پر اضافی ذمہ داری ہوگی۔