ووٹنگ مشینوں میں امیدواروں کی تصاویر بھی لگیں گی گڑ بڑ کے خدشات کم کرنے انتخابی کمیشن کی سعی۔ وی وی پاٹ کا استعمال بھی کیا جائے گا

Source: S.O. News Service | By Shahid Mukhtesar | Published on 24th January 2018, 10:39 AM | ریاستی خبریں |

بنگلورو،23؍جنوری(ایس او نیوز) انتخابات کے دوران بوگس امیدواروں کی جانب سے کسی قسم کی شرارت کے خدشات کو روکنے کیلئے ایک طویل وقت درکار ہوسکتا ہے۔ہندوستانی انتخابی کمیشن ( بی سی آئی) آئندہ ریاست میں ہونے والے اسمبلی انتخابات میں ایک تبدیلی لانے کافیصلہ کیا ہے ۔ اس کے تحت الیکٹرانک ووٹنگ مشین ( ای وی ایم)پر امیدوار وں کی تصاویر بھی استعمال کی جائیں گی۔ کرناٹک میں یہ اولین قانون ساز اسمبلی انتخابات ہیں جن میں اس کانفاذ ہوگا ۔ایک ہی طرح کے ناموں کی وجہ سے الجھن کاشکار ہونے سے بچاتے ہوئے ووٹروں کو اپنی پسند کے امیدواروں کو پہچاننے میں مدملے گی۔ساتھ ہی حکمران کانگریس کی جانب سے کی جارہی اس تشویش کے خلاف رائے دہندگان کااعتماد بڑھے کہ ای وی ایم میں دھاندلی کی جاسکتی ہے۔ہر ای وی ایم پر امیداروں کے نام، سیاہ وسفید میں ان کی تصویر اور پارٹی کے نشان ہوں گے ہرتصویر کاسائز 2.5سینٹی میٹر ہوگا ۔ ریاستی اعلیٰ انتخابی افسر( سی ای او) سنجیو کمار نے کہا ۔ ای وی ایم میں امیدواروں کی تصاویر کااستعمال گجرات اورہماچل پردیش کے حالیہ اسمبلی انتخابات میں ہوچکا ہے۔ اس طرح آئندہ راجستھان اسمبلی انتخابات میں بھی تصاویر استعمال ہوں گی۔ بلکہ ننجنگڈھ اور گنڈل پیٹ کے گزشتہ سال ہوئے ضمنی انتخابات میں بھی ہم نے امیدواروں کی تصاویر استعمال کی تھیں۔ ان ناموں کو 3زمروں میں تقسیم کیا جائے گا۔ نام حروف تہجی کے حساب سے ہوں گے اور پہلے قومی پارٹی ، پھر علاقائی پارٹی اور اس کے بعد آزاد اور دیگرپارٹیوں کے امیدواروں کے نام ہوں گے۔ حروف تہجی کے ساتھ ناموں کے اندراج اور امیدواروں کی تصاویر ہونے سے بھی اس دعویٰ کی نفی ہوجاتی ہے کہ ان مشینوں میں گھپلہ کیا جاسکتا ہے۔ اگر ای وی ایم میں گڑ بڑ کرکے کسی ایک امیدوار کے حق میں کرنا ہے تو کسی کو کیسے معلوم ہوگا کہ کس کا نام کہا ں ہے؟‘‘2018ء کے اسمبلی انتخابات ‘‘ووٹر ویریفائیبل پیپر آڈٹ ٹرائل ( وی وی پاٹ) مشینوں کو بھی متعارف کیا جارہا ہے ۔ اس سے رائے دہندگان اپنے اس ووٹ کی تصدیق کرسکتے ہیں جو انہوں نے دےئے ہیں۔انتخابی کمیشن بھی ای وی ایم کا وی وی پاٹ پرنٹ آؤٹس سے موازنہ کرے گا۔ ہر اسمبلی حلقہ میں منتخب پولنگ بوتھ میں اس طرح کیا جائے گا۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔