لیبیا میں محصور مہاجرین کی مدد کرنے کی کوشش میں ہیں: اقوام متحدہ
واشنگٹن،10؍اکتوبر(ایس او نیوز؍آئی این ایس انڈیا)اقوام متحدہ کے مطابق اس کے اہلکار لیبیا میں محصور مہاجرین کو ہنگامی امداد فراہم کرنے کی کوششوں میں مصروف ہیں۔ لیبیا کے شہر صبراتہ میں چار ہزار سے زائد مہاجرین محصور ہو کر رہ گئے ہیں۔ گزشتہ کئی دنوں سے متعدد ملیشیا گروہ اس ساحلی شہر پر قبضے کی جنگ جاری رکھے ہوئے ہیں۔ لیبیا کے شہر صبراتہ سے ہی مختلف افریقی ممالک کے مہاجرین غیر قانونی طور پر کمزورکشتیوں کے ذریعے یورپ تک پہنچنے کی کوشش کرتے ہیں۔ ابھی تک صبراتہ میں جاری لڑائی میں سینکڑوں افراد ہلاک ہو چکے ہیں۔