بی جے پی میں اختلافات ابھی باقی ایشورپا کی ایڈی یورپاکے خلاف دھرم یدھ کی تیاری

Source: S.O. News Service | By Shahid Mukhtesar | Published on 27th August 2016, 11:46 AM | ریاستی خبریں |

بنگلورو۔26؍اگست(ایس اونیوز؍صدیق آلدوری)ریاستی بھارتیہ جنتاپارٹی (بی جے پی) میں ایڈی یورپا اور ایشورپا گروپ میں اختلافات دور نہیں ہوئے ہیں بی جے پی ہائی کمان کی نصیحت کا ایشورپا پر کوئی اثر نہیں ہواہے اور نہ ہی ایڈی یورپا نے ایشورپا کو سنگولی رائنا برگیڈ قائم کرنے اجازت دی ہے۔ لیکن ایشورپا نے اب ایڈی یورپا کے خلاف دھرم یدھ شروع کرنے کی ٹھان لی ہے اور اس کا آغاز ایشورپا نے ہاویری میں ایک اجلاس سے کرنے کا فیصلہ کیاہے۔ ایشورپا نے آج اعلان کیاہے کہ یکم اکتوبر کو وہ ہاویری میں سنگولی رائنابریگیڈ کا اجلاس طلب کررہے ہیں ہاویری میں اپنے وفادارساتھیوں کے ساتھ اجلاس کے بعد انہوں نے یہ اعلان کیا اور کہا ہے کہ اس اجلاس میں وہ بی جے پی کا پرچم یا نشان استعمال نہیں کریں گے۔یکم اکتوبر کو منعقد اس اجلاس کے سلسلہ میں ہاویری میں ایشورپا نے آج جو اجلاس طلب کیاتھا اس اجلاس کے بعد انہوں نے کہا ہے کہ آج کے اجلاس میں ہندوگروپ کے لیڈران مکڈیا، کے ویرپا کشپا سمیت دلت اور پسماندہ طبقات کے اہم لیڈرس اور ورکرس نے شرکت کی تھی۔ایشورپا کے آج کئے گئے اس اعلان کی روشنی میں بی جے پی کے قائدین نے ایک بار پھر ایڈی یورپا اور ایشورپا کے درمیان مفاہمت کی کوشش شروع کردی ہے اور طے کیاگیاہے کہ پارٹی کے قومی جنرل سکریٹری رام لال کوثالث بناکر بنگلور بھیجاجائے۔15 ؍ ستمبرکو رام لال بنگلور آئیں گے اور 3دن یہاں قیام کرکے ریاست کے دونوں گروپوں کے بی جے پی لیڈروں سے ملاقات کرکے ان کی رائے حاصل کریں گے۔ایڈی یورپا اور ایشورپاسے بھی ایک پلیٹ فارم پر ملاقات کریں گے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔