ایردوآن نے شام کے صوبے اِدلب میں "قتلِ عام" سے خبردار کر دیا

Source: S.O. News Service | By Shahid Mukhtesar | Published on 6th September 2018, 1:26 PM | عالمی خبریں |

انقرہ 6ستمبر ( ایس او نیوز؍آئی این ایس انڈیا )ترکی کے صدر رجب طیب ایردوآن کا کہنا ہے کہ شام میں اپوزیشن کے زیر کنٹرول اِدلِب کے علاقے پر حملہ ایک قتل عام ہو گا۔

ترک میڈیا میں جاری بیان میں ایردوآن کا کہنا ہے کہ تہران میں شام کے حوالے سے ایران، روس اور ترکی کی شرکت کے ساتھ ہونے والے آئندہ سربراہ اجلاس کے مثبت نتائج سامنے آئیں گے۔

اقوام متحدہ میں امریکی خاتون سفیر نکی ہیلے کے مطابق امریکا نے سلامتی کونسل کے حالیہ سربراہ سے مطالبہ کیا ہے کہ اِدلب کی صورت حال کو زیر بحث لانے کے لیے جمعے کی صبح ایک اجلاس منعقد کیا جائے۔

امریکا نے منگل کے روز خبردار کیا کہ اگر بشار حکومت نے شامی عوام کے خلاف دوبارہ کیمیائی حملے کی حماقت کی تو "ہم فوری حرکت میں آئیں گے اور اس کا فورا اور مُناسب جواب دیا جائے گا"۔

امریکا کی طرف سے یہ تنبیہ ایک ایسے وقت میں جاری کی گئی ہے جب دوسری جانب بشار حکومت، روس اور ایران مل کر شام کے صوبے ادلب پر فوج کشی کی تیاری کر رہے ہیں۔ اقوام متحدہ، امریکا اور عالمی برادری بار بار ادلب پر چڑھائی کے سنگین نتائج پر متنبہ کر چکے ہیں۔ اقوام متحدہ نے خبردار کیا ہے کہ اگر ادلب پر حملہ کیا گیا انسانی المیہ رونما ہوسکتا ہے۔

قبل ازیں امریکی صدر ڈونلڈ ٹرمپ نے بشار حکومت، اس کے حلیف ممالک روس اور ایران کو خبر دار کیا تھا کہ ادلب پر بے مقصد فوج کشی سے گریز کریں ورنہ لاکھوں بے گناہ عام شہری مارے جا سکتے ہیں۔

شام میں انسانی حقوق کے سب سے بڑے نگراں گروپ المرصد نے منگل کے روز بتایا کہ روسی لڑاکا طیاروں نے 22 روز کے وقفے کے بعد اپوزیشن کے زیر کنٹرول اِدلب صوبے پر نئے فضائی حملے کیے ہیں۔ المرصد اور شامی اپوزیشن کے ذرائع نے بتایا کہ حملوں میں ملک کے شمال مغرب میں اپوزیشن کے زیر کنٹرول دیہی علاقے کو نشانہ بنایا گیا۔

ادھر روسی صدر ولادی میر پوتین سات ستمبر کو ایران روانہ ہوں گے جہاں وہ ایرانی اور ترک ہم منصبوں حسن روحانی اور رجب طیب ایردوآن کے ساتھ شام کے حوالے سے ایک سربراہ اجلاس میں شرکت کریں گے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...