ہندوستان کو اوول ٹیسٹ میں بھی شکست، سیریز انگلینڈ کے نام

Source: S.O. News Service | By Shahid Mukhtesar | Published on 12th September 2018, 1:50 PM | اسپورٹس |

 

لندن،12؍ستمبر (ایس او نیوز؍ایجنسی) انگلینڈ نے ہندوستانکو پانچویں اور آخری ٹیسٹ میں 118 رنز سے شکست دے کر سیریز 4-1 سے اپنے نام کرلی۔

لندن کے دی اوول اسٹیڈیم میں کھیلے گئے ٹیسٹ میچ میں انگلینڈ نے ٹاس جیت کر پہلے بیٹنگ کا فیصلہ کیا۔

اچھے آغاز کے باوجود انگلینڈ کا مڈل آرڈر  ہندوستانی گیند بازوں کے آگے لڑ کھڑا گیا اور ایک موقع پر اس کے سات کھلاڑی 181 رنز پر آؤٹ ہوگئے۔

اس موقع پر جوس بٹلر نے پہلے عادل رشید اور پھر اسٹورٹ براڈ کے ساتھ شراکتیں قائم کرکے اپنی ٹیم کو تباہی سے بچالیا اور انگلینڈ کی ٹیم اپنی پہلی اننگز میں 332 رنز بناکر آؤٹ ہوگئی۔

جوس بٹلر 89 رنز کے ساتھ اننگز کے ٹاپ اسکورر رہے جبکہ ایلسٹر کک نے 71 رنز بنائے۔ ٹیم انڈیا  کی جانب سے رویندرا جڈیجا نے چار جبکہ جسپریت بمرا اور ایشانت شرما نے تین، تین کھلاڑیوں کو آؤٹ کیا۔

جواب میں ہندوستان کی بیٹنگ ابتدا میں مشکلات کا شکار رہی تاہم جڈیجا کی شاندار بیٹنگ نے ٹیم انڈیا کو 292 رنز تک پہنچادیا یوں انگلینڈ کو پہلی اننگز میں 40 رنز کی سبقت ملی۔

انگلینڈ کی جانب سے جیمز اینڈرسن، بین اسٹوکس اور معین علی نے دو، دو کھلاڑی آؤٹ کیے جبکہ سیم کرن، اسٹورٹ براڈ اور عادل رشید نے ایک، ایک کھلاڑی کو آؤٹ کیا۔

دوسری اننگز میں انگلینڈ کی جانب سے شاندار بیٹنگ کا مظاہرہ کیا گیا، اپنا آخری ٹیسٹ کھیلنے والے ایلسٹر کک نے شاندار سنچری اسکور کرتے ہوئے 147 رنز اسکور کیے جبکہ کپتان جو روٹ نے بھی 125 رنز بنائے۔

ہندوستان کی جانب سے ہوناما ویہاڑی اور جڈیجا نے تین، تین جبکہ محمد شامی نے دو کھلاڑیوں کو آؤٹ کیا۔ یوں بھارت کو 464 رنز کا ہدف ملا۔

ہدف کے تعاقب میں ہندوستان کا آغاز انتہائی مایوس کن تھا، صرف دو رنز پر کپتان ویراٹ کوہلی سمیت اس کے تین کھلاڑی آؤٹ ہوچکے تھے۔

اس موقع پر کے ایل راہول اور اجنکیا راہانے کے درمیان 100 سے زائد رنز کی پارٹنرشپ نے ہندوستان کی پوزیشن کچھ بہتر کی۔

رہانے اور ویہاڑی کے آؤٹ ہونے کے بعد ہندوستان کی پوزیشن ایک مرتبہ پھر خراب ہوگئی اور 121 رنز پر اس کی نصف ٹیم آؤٹ ہوچکی تھی۔

ایسے میں راہول اور ریشب پینٹ کے درمیان 204 رنز کی شراکت نے ہندوستان کی میچ جیتنے کی امیدیں ایک مرتبہ پھر جگادیں۔ دونوں کھلاڑیوں نے شاندار سنچریاں اسکور کیں۔

تاہم دونوں کے آؤٹ ہونے کے بعد ہندوستان کے آنے والے بلے باز انگلینڈ کے بولرز کا مقابلہ نہ کرپائے اور یوں ہندوستان کو میچ میں 118 رنز سے شکست ہوئی۔

جیمز اینڈرسن تین جبکہ سیم کرن اور عادل رشید نے دو، دو کھلاڑیوں کو پویلین لوٹایا۔

شاندار اننگز کھیلنے والے ایلسٹر کک کو میچ کا بہترین کھلاڑی قرار دیا گیا۔

ایک نظر اس پر بھی

دبئی میں بی پی ایل کرکٹ ٹورنامنٹ کا 15 مارچ سے ہوگا شاندار آغاز؛5جنوری سے ہوگا ٹیموں کا اندراج، وزٹ ویزا پردبئی میں موجود کھلاڑیوں کے لئے بھی سنہرا موقع

دبئی میں بھٹکل پریمئیر لیگ  المعروف  بی پی ایل کرکٹ کا آٹھواں ٹورنامنٹ  مورخہ 15 مارچ 2019 ؁ سے شروع ہوگا، البتہ بی پی ایل کے لئے ٹیموں کا اندراج 3/ جنوری سے شروع ہوگا۔ اس بات کی اطلاع  ٹورنامنٹ کے کمشنر    جوکاکوشمس الدین ضیاء نے دی۔

ہندوستان کی اعلی درجے کی بولنگ کا سامنا کرنے میں ناکام رہے: ٹم پین

ہندوستان کے خلاف ملبورن کرکٹ گراؤنڈ پر شکست کے بعد آسٹریلیا کے کپتان ٹم پین نے قبول کیا کہ ان کے بلے باز اسٹیو سمتھ اور ڈیوڈ وارنر کی غیر موجودگی میں مہمان ٹیم کے انتہائی عمدہ بولنگ حملے کا سامنا کرنے میں ناکام رہے۔

بھٹکل مسلم یوتھ فیڈریشن کے زیراہتمام امین سیف اللہ بی سی ایل کرکٹ ٹورنامنٹ کا شاندار اختتام؛ اسکائی بریزر نے یونائیٹیڈ بھٹکل کو دی شکست

بھٹکل مسلم یوتھ فیڈریشن کے زیراہتمام  امین سیف اللہ بھٹکل کرکٹ لیگ فور (BCL-4) ٹورنامنٹ  آج کامیابی کے ساتھ اختتام کو پہنچا جس میں  اسکائی بریزر نے  شاندار جیت درج کرتے ہوئے کپ اپنے نام کرلیا۔ٹورنامنٹ میں بھٹکل یونائیٹیڈ  دوسرا مقام حاصل کرنے میں کامیاب رہی۔