دہشت گردوں کے فرار کے بعد پلوامہ میں مہم مکمل
سرینگر، 24 مئی(ایس او نیوز/آئی این ایس انڈیا) جموں و کشمیر کے پلوامہ ضلع میں گزشتہ رات سے چل رہی انسداد دہشت گردی مہم کو آج واپس لے لی گئی کیونکہ دہشت گرد سیکورٹی فورسز کے گھیرے سے بھاگ گئے۔ایک پولیس افسر نے بتایا کہ ہکری پورا علاقے میں لشکرطیبہ کے کشمیرچیف ابو دجانہ سمیت دہشت گردوں کی موجودگی کے بارے میں خفیہ معلومات کی بنیاد پر کل مہم شروع کی گئی تھ۔مہم کے دوران دہشت گردوں نے فائرنگ شروع کر دی۔ جواب میں سیکورٹی فورسز نے بھی فائرنگ کی۔انہوں نے بتایا کہ مہم کو روکنے کے لئے مشتعل ہجوم نے سکیورٹی پر پتھر پھینکے، جس سے دہشت گرد فرار ہو گئے۔افسر نے بتایا کہ تلاشی آج صبح ختم ہوئی، نئے سرے سے کوئی فائرنگ نہیں ہوئی کیونکہ ایسا لگتا ہے کہ دہشت گرد گزشتہ رات گھیرے سے بچ نکلے۔