اماراتی ائیرلائن ”ایمریٹس“ نے پانچ امریکی شہروں کی پروازیں کم کردیں;پروازوں میں کمی کا فیصلہ مسافروں کی قلت کے باعث کیا گیا
دبئی،20اپریل(ایس او نیوز/آئی این ایس انڈیا)دنیا کی بڑے فضائی کمپنیوں میں شامل متحدہ عرب امارات کی فضائی کمپنی ’ایمریٹس‘ نے مسافروں کی تعداد میں کمی کے بعد امریکا کے لیے کمپنی کی پروازوں کو بہ تدریج کم کرنا شروع کیا ہے۔میڈیا رپورٹس کے مطابق ’امارات ایئر‘ ]ایمریٹس[ کی طرف سے جاری کردہ ایک بیان میں کہا گیا ہے کہ امریکی صدر ڈونلڈ ٹرمپ کی طرف سے بعض ممالک کے شہریوں کی امریکا داخلے پر پابندی کے فیصلے سے کمپنی کی امریکا کے لیے پروازوں کی طلب بھی متاثر ہوئی ہے جس کے بعد ایمریٹس نے امریکا میں چلنے والی پانچ روٹس کی پروازوں میں کمی ہے۔فیصلے کے مطابق متحدہ عرب امارات سے امریکا کے لوڈر ڈیل اور اورلینڈو کے لیے ہفتے میں سات کے بجائے پانچ پروازیں کردی ہیں۔ اسی طرح سیٹل اور بوسٹن یکے لیے روزانہ دو کے بجائے ایک پرواز کردی ہے۔ اسی طرح آئندہ جولائی سے لاس اینجلس کے لیے روزانہ دو کے بجائے ایک پرواز جائے گی۔