قطر کا بحران حل کرنے کے واسطے خطے میں سفارتی نقل و حرکت

Source: S.O. News Service | Published on 8th August 2017, 5:06 PM | خلیجی خبریں |

ریاض،8اگست(ایس او نیوز/آئی این ایس انڈیا)سعودی فرماں روا شاہ سلمان بن عبدالعزیز کو کویت کے امیر شیخ صباح الاحمد الجابر الصباح کی جانب سے ایک تحریری ارسال کیا گیا ہے۔ یہ خط کویت کے وزیر خارجہ شیخ صباح خالد الحمد الصباح نے سعودی ولی عہد شہزادہ محمد بن سلمان کے حوالے کیا۔
بعد ازاں کویتی وزیر خارجہ اور ان کے ہمراہ وفد نے سعودی وزیر خارجہ عادل الجبیر سے ملاقات کی۔ کویتی نمائندے نے مصر کا دورہ بھی مکمل کر لیا جہاں انہوں نے قطر کے بحران اور کویت کے ثالثی کے کردار کے حوالے سے مصری صدر عبدالفتاح السیسی سے ملاقات کی۔
ادھر امریکا کے دو نمائندے کویت پہنچ رہے ہیں۔ بعد ازاں یہ نمائندے قطر کا بائیکاٹ کرنے والے چاروں ممالک کا دورہ شروع کریں گے۔ امریکی وفد میں اینتھونی زینی اور امریکی وزیر خارجہ کے نائب معاون ٹموتھی لینڈرکنگ شامل ہیں۔ سعودی عرب، امارات، بحرین اور مصر کے بعد دونوں شخصیات قطر جائیں گی۔اسی سیاق میں الجزائری وزیر خارجہ عبدالقادر مساہی نے واضح کیا ہے کہ ان کا ملک قطر کے بحران کا حل تلاش کرنے کے واسطے کویت کی کوششوں کی حمایت کرتا ہے۔

ایک نظر اس پر بھی

مسجد الحرام میں غیر ملکی شخص کی خودکشی

سعودی عرب کے شہر مکہ میں اسلام کے مقدس ترین مقام مسجد الحرام میں ایک شخص نے خود کشی کر لی ہے۔سعودی عرب کی سرکاری خبر رساں ایجنسی ایس پی اے نے مکہ پولیس کے ترجمان کے حوالے سے بتایا ہے کہ غیر ملکی شہری نے جمعہ کی رات نو بج کر 20 منٹ پر مسجد الحرام کی چھت سے نیچے طواف کرنے کی جگہ پر ...

مسجد نبوی میں سکیورٹی اہلکاروں کی خدمات پر ایک نظر

مسجد نبوی میں آنے والے زائرین کی نظروں میں سعودی سکیورٹی اہل کار نمایاں ترین حیثیت کے حامل نظر آتے ہیں۔ یہ اہل کار مسجد کے تمام حصوں اور راستوں میں خدمات انجام دیتے ہوئے عبادت کے لئے پْرسکون ماحول یقینی بنانے میں مصروف عمل ہوتے ہیں۔

مکہ المکرمہ :ماہ رمضان کے آخری عشرہ میں سکیورٹی انتظامات 70؍لاکھ فرزندان توحید نے عمرہ اداکیا

سعودی حکومت نے رمضان المبارک کے تیسرے عشرہ کے آغاز پر مکہ المکرمہ کے داخلی اور خارجی راستوں پر سخت حفاظتی اقدامات کیے ہیں، مسجد الحرام اور اطراف کے علاقوں میں فضائی سکیورٹی اور نگرانی بڑھا دی گئی ہے۔