دہلی این سی آر میں فضائی آلودگی سے نمٹنے کے لئے ہنگامی منصوبہ لاگو
نئی دہلی ،15؍ اکتوبر (ایس او نیوز؍آئی این ایس انڈیا )دہلی این سی آر میں فضائی آلودگی سے نمٹنے کے لئے ایک ہنگامی منصوبہ پیر کو لاگو کیا گیا ہے جس میں مشینوں سے سڑکوں کی صفائی اور اس علاقے کے بھیڑ بھاڑ والے علاقوں میں گاڑیوں کے ہموار ٹریفک کے لئے ٹریفک پولیس کی تعیناتی جیسے اقدامات شامل ہوں گے۔
سپریم کورٹ سے حق ماحولیاتی آلودگی (روک تھام اور کنٹرول) اتھارٹی کے ایک رکن نے کہا کہ’ گریڈڈ رسپانس ایکشن پلان‘ کے تحت جنریٹرز کے استعمال پر پابندی لگائی گئی ہے لیکن ان پر این سی آر میں پابندی نہیں ہوگی کیونکہ علاقے میں بجلی کی فراہمی کی کی صورت حال اچھی نہیں ہے ۔ فضائی آلودگی سے نمٹنے کے لئے اس منصوبہ کو لاگو کیا گیا ہے۔ آلودگی کی سطح بہت خراب زمرہ کی طرف مائل ہوچکا ہے ۔ ہنگامی منصوبہ کے تحت، شہر کی ہوا کے معیار کی بنیاد پر ٹھوس اقدامات وضع کئے گئے ہیں ۔فی الحال ہوا کے معیار ’خراب ‘ کے زمرے میں ہے جس کی وجہ مشینوں سے سڑکیں صاف کرنے، کوڑا جلانے پر پابندی، اینٹوں بھٹیوں پر آلودگی کنٹرول اقدامات اور گاڑیوں کے ہموار ٹریفک کے لئے پولیس اہلکاروں کی تعیناتی دہلی قومی دارالحکومت علاقہ میں لاگو ہے۔
مرکزی آلودگی کنٹرول بورڈ کے ایک اہلکار نے کہا کہ اگر فضائی آلودگی کی صورت حال اور بگڑ کربہت خراب زمرہ میں ہوجاتی ہے تو پارکنگ چارج تین چار گنا بڑھانے اور میٹرو اور بسوں کے پھیرے بڑھانے جیسے اضافی اقدامات کیے جائیں گے۔ اگر ہواکا معیار 'سنگین زمرہ' میں داخل ہوجاتا ہے تو سڑکوں پر پانی کا بار بار چھڑکاو جیسے اقدامات وضع ہوں گے۔اس کے بعد بھی اگر ہوا کا معیار سنگین سے زیادہ کے زمرے میں جاتا ہے تو دہلی میں ٹرکوں کا داخلہ روکنے، تعمیر سرگرمیوں پر روک اور دیگر اقدامات پر فیصلہ کرنے کے لئے افرادی قوت کی تقرری جیسے اقدامات کئے جائیں گے۔ جی آر پی کے علاوہ، آلودگی کنٹرول بورڈ نے دہلی این سی آر میں 41 ٹیمیں تشکیل دی ہیں جو آلودگی روکنے کے لئے لاگو قوانین کے نفاذ کی نگرانی کریں گی۔