بنگلورو میں الیکشن فلائنگ اسکواڈ نے ضبط کیے 12.5کروڑ روپے مالیت کے 42کیلوگرام وزنی سونے کے زیورات؛ چار گرفتار

Source: S.O. News Service | By I.G. Bhatkali | Published on 28th April 2018, 10:16 PM | ریاستی خبریں | ان خبروں کو پڑھنا مت بھولئے |

بنگلورو28؍اپریل (ایس او نیوز) بنگلورو ڈسٹرکٹ پولیس اور الیکشن فلائنگ اسکواڈ کے افسران نے بنگلور دیون ہلّی کے بالیپورا چیک پوسٹ پر  42کیلوگرام وزنی سونے کے زیورات ضبط کرتے ہوئے  چار لوگوں کو گرفتار کرلیا ہے۔ جن کی مالیت کا اندازہ 12.5کروڑ روپے لگایا گیا ہے۔

ایک سینئر پولیس افیسر نے بتایا کہ فلائنگ اسکواڈ نے چنارایا پٹنا ہوبلی میں بالیپورا چیک پوسٹ کے پاس ایک SUVکار کو صبح روکا اور  اس گاڑی میں موجود چارمسافروں کی تلاشی لینے پر ان کے پاس پانچ باکس کے اندر رکھے ہوئے سونے کے زیورات برآمد ہوئے جن کا وزن 42 کیلوگرام تھا۔

ابتدائی تفتیش کے وقت کار میں سفر کررہے مشتبہ فراد نے کچھ کاغذات پیش کرتے ہوئے بتایا کہ یہ زیورات ٹائٹان کمپنی کو سپلائی کرنے کے لئے ہیں اور انہیں چینئی لے جایا جارہا ہے۔حالانکہ کسٹمز سے انہیں کلیئرنس مل گیا تھا، مگر اتنی بڑی مقدار میں سونا ایک مقام سے دوسرے مقام تک لے جانے کے لئے انتخابی ضابطۂ اخلاق کے تحت الیکشن کمیشن سے کلیئرنس ضروری تھا، جو انہوں نے حاصل نہیں کیا تھا۔لہٰذا الیکشن کوڈ آف کنڈکٹ کی خلاف ورزی کرنے پرکیس درج کرکے ان زیورات کو ضبط کر نے کے ساتھ مسافروں کو بھی گرفتار کرلیا گیا۔

10.8لاکھ روپے ضبط: ایک دوسرے معاملے میں الیکشن فلائنگ اسکواڈ نے 10.8لاکھ روپے کی غیر محسوب رقم بھی ضبط کرلی ہے۔یہ واقعہ آنیکل میں سرجا پورچیک پوسٹ کے قریب پیش آیا۔موصولہ رپورٹ کے مطابق ریئل ایسٹیٹ بزنس سے وابستہ این کمار یہ رقم اپنے ساتھ کار میں لے جارہا تھا۔ چیکنگ کے دوران اس کے پاس سے جو رقم برآمد ہوئی اس کا کوئی حساب وکتاب دینے لائق دستاویزات اس کے پاس موجود نہیں تھے۔افسران نے یہ رقم ضبط کرلی ہے۔

ایک نظر اس پر بھی

کانگریس تشہیری کمیٹی کے نئے صدر ایچ کے پاٹل نے عہدہ کا جائزہ لے لیا ملک کواچھے دن کا وعدہ کرکے اقتدار پرآئی بی جے پی کے لیڈروں نے ملک کوبے روزگاروں کا مرکز بنا دیاہے:وینو گوپال

سابق ریاستی وزیر ایچ کے پاٹل نے آج کرناٹک پردیش کانگریس تشہیری کمیٹی کے صدر کی حیثیت سے عہدہ کاجائزہ لے لیا ۔

بی جے پی کوابھیشک منوسنگھوی نے کہا ، کرناٹک میں کھلواڑہوتاتوقانونی منصوبہ تیارتھا

کرناٹک کے تازہ سیاسی واقعات کے پس منظر میں کانگریس کے سینئر لیڈر ابھیشیک منو سنگھوی نے جمعرات کو کہا کہ اگر بی جے پی ریاست کی مخلوط حکومت کو غیر مستحکم کرنے کے لیے اپنے ’آپریشن لوٹس‘پر آگے بڑھتی تو اس کومنہ توڑجواب دینے کے لیے کانگریس نے منصوبہ تیار کر رکھا تھا۔

شرالی میں قومی شاہراہ کی توسیع کو لےکر ہزاروں عوام  شاہراہ روک کیا  احتجاج : مجموعی استعفیٰ کا انتباہ اور الیکشن بائیکاٹ کا اعلان

تعلقہ کے شرالی میں دن بدن قومی شاہراہ کی توسیع کو لےکر معاملہ گرم ہوتا جارہاہے۔ شرالی میں قومی شاہراہ کی توسیع 45میٹر سے کم کرکے 30میٹر کئے جانےکی مخالفت کرتے ہوئے جمعرات کو ہزاروں لوگو ں نے قومی شاہراہ روک کر سخت احتجاج درج کیا۔ اس دوران عوامی مانگوں کو منظوری نہیں دی گئی تو ...

بھٹکل انجمن بی بی اے کی طالبہ مریم حرا کو  کرناٹکا یونیورسٹی سطح پر دوسرا رینک

انجمن انسٹی ٹیوٹ آف مینجمنٹ بھٹکل کی طالبہ مریم حرابنت ارشاد ائیکری ڈاٹا نے کرناٹکا یونیورسٹی دھارواڑ کے زیر اہتمام اپریل 2018میں منعقد ہوئی بی بی اے امتحانات میں پوری یونیورسٹی میں دوسرارینک حاصل کرتے ہوئے انجمن اور شہر کا نام روشن کیا ہے۔