جنتا دل یونائٹیڈ پارٹی اور انتخابی نشان کی لڑائی میں نتیش کمار کو ملی جیت، شرد یادوگروپ کے دعوےمسترد
نئی دہلی،12؍ستمبر(ایس او نیوز؍آئی این ایس انڈیا)الیکشن کمیشن نے آج یہ واضح کیا ہے کہ جنتادل یونائٹیڈ اور پارٹی کے انتخابی نشان نیتش کمار کے ساتھ رہیں گے۔الیکشن کمیشن نے شرد یادو کی درخواست مسترد کردی ہے۔اس کے ساتھ شردیادوکے سیاسی مستقبل پربات چیت شروع ہوئی ہے۔یہ خیال ہے کہ جلد ہی پارٹی ریاستی اسمبلی سے باہر نکلنے کے لیے مزید اقدامات کرے گی۔
بہارمیں مہاگٹھ بندھن سے الگ ہو کر جے ڈی یو کے بی جے پی کے ساتھ چلے جانے کے بعد سے وزیر اعلی نتیش کمار اور شرد یادو کی لڑائی پارٹی پر دعوے تک پہنچ گئی تھی۔ایک طرف جہاں جے ڈی یو نے نائب صدر وینکیا نائیڈو سے مل کر ان کی راجیہ سبھا کی رکنیت منسوخ کرنے کا مطالبہ کیا، تو شرد یادو کا خیمہ پارٹی پر دعویٰ جتانے کے لیے الیکشن کمیشن کے پاس پہنچ گیاتھا۔بہارکے وزیراعلیٰ نتیش کمارنے شردیادوکو لے کر کہا تھاکہ اگر وہ نئی پارٹی بنانا چاہتے ہیں، تو کوئی انہیں روک سکتا ہے کیا؟۔ لیکن انہیں جتنی پبلسٹی 40سال میں ملی، اب انہیں اس سے الگ پبلسٹی مل رہی ہے، لیکن یاد رہے، میڈیا جسے اٹھاتا ہے، اسے پٹخنے میں بھی وقت نہیں لگاتاہے۔