الیکشن کمیشن کا چھتیس گڑھ حکومت کے عوامی تعلقات افسر کو ہٹانے کا حکم
نئی دہلی:17/نومبر(ایس او نیوز/آئی این ایس انڈیا)الیکشن کمیشن نے ہفتہ کو چھتیس گڑھ حکومت کو کانگریس کے لیڈروں کا اسٹنگ آپریشن کرنے کے لیے مبینہ طور پر پیسوں کی پیشکش کرتے پکڑے گئے ریاست کے تعلقات عامہ کمشنر کو عہدے سے ہٹا کر ٹرانسفر کرنے کو کہا ہے۔کمیشن کے ترجمان نے بتایا کہ چھتیس گڑھ حکومت میں تعلقات عامہ کے شعبہ کے سیکرٹری اور کمشنر ایس راجیش ٹوپو کو عہدے سے ہٹانے کا حکم جاری کیا گیا ہے۔قابل ذکر ہے کہ چھتیس گڑھ میں اسمبلی انتخابات کے دوران دوسرے اور آخری مرحلے میں 72نشستوں کیلئے 20نومبر کوووٹنگ ہوگی۔ٹوپو کو مبینہ طور پر ایک آڈیو ٹیپ میں کسی صحافی سے کانگریس کارکنوں کو پارٹی کے ایک سینئر لیڈر کے لیے نامناسب زبان استعمال کرتے ہوئے ویڈیو ٹیپ بنانے کیلئے کہتے سنا جا سکتا ہے۔اس کے عوض مبینہ طور پر ان پر پیسے کی پیشکش کابھی الزام ہے۔ترجمان نے بتایا کہ کمیشن نے اپنے حکم میں کہا ہے کہ ایک سینئر انتظامی افسر نے غیر مناسب زبان کا استعمال تو کیا ہی ہے، ساتھ میں ان کے متعصبانہ رویے کو بھی ظاہر کرتا ہے۔ریاست میں انتخابات کے پہلے مرحلے کے لیے 18سیٹوں پر ووٹنگ 12نومبر کو ہوچکی ہے۔