گنگولی 20/ستمبر (ایس او نیوز) کنداپور تعلقہ کے تراسی نیشنل ہائی وے پر جمعرات شام کو دو بسوں کے درمیان ہوئی ٹکر میں آٹھ افراد شدید زخمی ہوگئے جن میں بعض کو اُڈپی اوربعض کو منی پال اسپتال لے جایا گیا ہے۔

حادثہ اُس وقت پیش آیا جب ایک پرائیویٹ بس بھٹکل سے کنداپور  جارہی تھی کہ مینگلور سے ہبلی جانے والی بس کے ساتھ ٹکراگئی۔ حادثے میں بھٹکل سے کنداپور جانے والی بس کے کنڈیکٹر کو شدید چوٹ لگی ہے اور اسے منی پال لے جایا گیا ہے۔ اس کی شناخت  وشواناتھ دیواڑیگا کی حیثیت سے کی گئی ہے۔ ونود، اُمیش، آکاش اور ماروتی سمیت دیگر زخمیوں کو کنداپور اور اُڈپی اسپتالوں میں منتقل کیا گیا ہے۔

حادثے کی اطلاع ملتے ہی 108 ایمبولنس اور گنگولی 24X7 ایمبولنس موقع واردات پر پہنچی اور زخمیوں کو فوری طور پر قریبی اسپتالوں میں شفٹ کیا ۔ گنگولی  پولس بھی فوری طور پر موقع پر پہنچ گئی اور ٹریفک نظام کو بحال کیا۔

گنگولی پولس تھانہ میں معاملہ درج کیا گیا ہے۔