عید کا چاند نظرآگیا؛ کل جمعہ کو ہوگی بھٹکل سمیت کمٹہ، اُڈپی،مینگلور اور کیرالہ میں عیدالفطر؛ بھٹکل میں بارش کی وجہ سے جامع مساجد میں ہی ہوگی نماز

Source: S.O. News Service | By I.G. Bhatkali | Published on 14th June 2018, 8:45 PM | ساحلی خبریں |

بھٹکل 14/جون (ایس او نیوز)  29 دنوں تک رمضان المبارک کے روزے رکھنے کے بعدآج بعد نماز مغرب کیرالہ کے کالیکٹ  میں عیدالفطر کا چاند نظر آنے کی اطلاع موصول ہوئی ہے، جس کے ساتھ ہی بھٹکل قاضی صاحبان نے اعلان کردیا  کہ  کل جمعہ کو عیدالفطر ہے۔

 کیرالہ سمیت مینگلور، اُڈپی، کنداپور ، بھٹکل اور کمٹہ میں کل جمعہ کو عیدالفطر  منائی جائے گی۔ اس موقع پر سب سے پہلے ساحل آن لائن کی جانب سے تمام عالم اسلام کو عید کی پُرخلوص مبارکبا د پیش کی جاتی ہے۔

بھٹکل عیدگاہ انتظام  کمیٹی کی جانب سے بتایا گیا ہے کہ آج شام سے بھٹکل میں آسمان ابرآلود ہونے کی وجہ سے کل   عیدگاہ میدان میں نماز ادا نہیں کی جائے گی، بلکہ بھٹکل  کی تمام جامع مساجد میں عید کی نمازکی ادائیگی ہوگی۔ 

عیدگاہ انتظام کمیٹی کے سکریٹری  جناب ایس ایم عبدالعظیم  امباری نے بتایا کہ عیدگاہ میدان میں  عیدکی نماز کے لئے تیاریاں مکمل کرلی گئی تھیں، مگر شام سے  بارش کے متوقع موسم کو دیکھتے ہوئے آخری لمحوں میں اس بات کا فیصلہ کیا گیا ہے کہ کل عیدگاہ میدان میں نماز نہیں ہوگی بلکہ تمام جامع مساجد میں عید کی دوگانہ ادا کی جائے گی۔ ویسے بھی مغرب کی اذان کے ساتھ ہی بھٹکل میں زور دار بارش شروع ہوگئی۔

خیال رہے کہ  امسال جامع مسجد، خلیفہ جامع مسجد، تنظیم جمعہ مسجد، مخدومیہ جمعہ مسجد، بلال جمعہ مسجد میں صبح 7:45بجے نماز شروع ہوگی۔ مسجد مدینہ، مسجد نور، مسجد ابوذر، مسجد حمزہ، مسجد بدریہ، مسجد احمد سعید، مسجد امام بخاری میں صبح آٹھ بجے عید کی نماز ادا کی جائے گی۔

اُدھر تینگنگونڈی میں مرکزی جماعت المسلمین تینگن گنڈی کی طرف سے  پریس ریلیز جاری کرتے ہوئے بتایا گیا ہے کہ  اُدھر بھی بارش کو دیکھتے ہوئے   عیدالفطر کی نماز دونوں جامع مساجد میں ادا کی جائیں گی ۔ جامع مسجد سیدنا ابراہیم جامعہ آباد بھٹکل میں آٹھ  بجے اور  
جامع مسجد تینگن گنڈی بھٹکل میں 8:15بجے  نماد  ادا کی جائیگی ۔

شرالی جماعت المسلمین کی جانب سے بتایا گیا ہےکہ شرالی رحمانیہ مسجد میں عید کی نماز صبح 9:30بجے، جبکہ شرالی علی میاں  مسجد میں عید کی نماز ٹھیک 9:00 بجے ادا کی جائے گی۔

 

ایک نظر اس پر بھی

کاروار:انکولہ ۔ہبلی ریلوے لائن کی سدراہ بنے ماحولیاتی این جی اوز کو ملنے والی مالی امداد کی جانچ کریں : رکن اسمبلی روپالی نائک کامرکزی ریلوے وزیر سے مطالبہ

ریاست کے ساحلی علاقے سے شمالی کرناٹک  کو جوڑنے والی ’قسمت کی ریکھا‘ انکولہ ۔ ہبلی ریلوے لائن کی تعمیرمیں جو ماحولیاتی اداروں ، این جی اوزاور ماہرین سدراہ بنے ہوئے ہیں دراصل یہ تمام  بیرونی ممالک کی  کروڑوں دولت کے تعاون سے بےبنیاد چیخ وپکار کررہے ہیں کاروار انکولہ کی رکن ...

کاروار میں انکولہ ۔ہبلی ریلوے لائن منصوبےکو جاری کرنےعوامی احتجاج : قومی شاہراہ بند کرنے پر احتجاجی پولس کی تحویل میں

انکولہ۔ ہبلی ریلوے لائن منصوبہ، سرحد علاقہ کاروار میں صنعتوں کا قیام سمیت مختلف مانگوں کو لے کر لندن برج پر قومی شاہراہ کو بند کرتے ہوئے احتجاج کی تیاری میں مصروف کنڑا چلولی واٹال پارٹی کے واٹال ناگراج سمیت 21جہدکاروں کو پولس نے گرفتار کرنے کے بعد رہاکردیا۔

لوک سبھاانتخابات کی تیاری میں مصروف الیکشن کمشن :اتراکنڑا  ضلع میں 11.40 لاکھ رائے دہندگان : 14ہزار ووٹرس آؤٹ تو 12ہزار ووٹرس اِن

الیکشن کمیشن  آئندہ ہونےو الے لوک سبھا انتخابات کی تیاری میں مصروف ہے۔اندراج و اخراج   اور ترمیم کے بعد تشکیل دی گئی  رائے دہندگان کی  فہرست کے مطابق ضلع کے 6ودھان سبھا حلقہ جات میں کل 11،40،316 ووٹر ہیں۔ چونکہ انتخابات کے قریب تک ووٹروں کے اندراج کے لئے موقع دیا گیا ہے تو رائے ...

شرالی میں قومی شاہراہ کی توسیع کو لےکر ہزاروں عوام  شاہراہ روک کیا  احتجاج : مجموعی استعفیٰ کا انتباہ اور الیکشن بائیکاٹ کا اعلان

تعلقہ کے شرالی میں دن بدن قومی شاہراہ کی توسیع کو لےکر معاملہ گرم ہوتا جارہاہے۔ شرالی میں قومی شاہراہ کی توسیع 45میٹر سے کم کرکے 30میٹر کئے جانےکی مخالفت کرتے ہوئے جمعرات کو ہزاروں لوگو ں نے قومی شاہراہ روک کر سخت احتجاج درج کیا۔ اس دوران عوامی مانگوں کو منظوری نہیں دی گئی تو ...