گجرات میں پورے جوش و خروش کے ساتھ منائی گئی عید الفطر
احمد آباد،17؍جون(ایس او نیوز) رمضان المبارک کے اختتام پر عیدالفطر کا تہوار پورے ملک میں جوش و خروش کے ساتھ منایا گیا ۔ عید کی نماز ادا کر کے خاص طور سے ملک میں امن کیلئے دعا مانگی گئی۔ احمدآباد کی شاہی جامع مسجد میں عید کی نماز ادا کی گئی ، جس میں بڑی تعداد میں مسلمانوں نے شرکت کی۔ عید کی نماز ادا کرنے سے پہلے تقرير میں عید کی نماز اور ماہ رمضان کے بارے میں لوگوں کو معلومات دی گئی ۔
نماز کے بعد فرزندان توحید ایک دوسرے کے گلے لگ کر مبارک باد دیتے ہوئے نظر آئے ۔ اس موقع پر احمد آباد جامع مسجد کے شاہی امام مفتی شبير عالم نے کہا کہ رمضان کا مہینہ محبت اور بھائی چارے کا پیغام دیتا ہے اور ہمیں اسے سال کے دیگر مہینوں میں بھی عمل میں لانا چاہئے ۔پورے سال محبت اور بھائی چارے کے ساتھ رہنا چاہئے۔