دہشت گردی کے خلاف قومی اتحاد و یکجہتی قائم ہو؛عید الفطر کے موقع پر شاہ سلمان کا امت مسلمہ کے نام پیغام

Source: S.O. News Service | By Shahid Mukhtesar | Published on 16th June 2018, 11:27 AM | خلیجی خبریں |

جدہ16؍جون (ایس او نیوز؍ایجنسی)سعودی عرب کے فرماں روا شاہ سلمان بن عبدالعزیز نے مملکت کے شہریوں اور دنیا بھر کے مسلمانوں کو عید الفطر کے موقع پر مبارک باد دی ہے۔

شاہ سلمان نے شوّال کا چاند نظر آنے کے بعد سعودی شہریوں اور دنیا بھر کے مسلمانوں کے نام ایک تفصیلی تہنیتی پیغام جاری کیا ہے۔ انھوں نے اللہ کے بابرکت نام سے اپنا پیغام شروع کیا ہے جو رحمان اور الرحیم ہے۔ ، تمام تعریفیں اللہ تعالیٰ کے لیے ہیں جو اس جہاں کا پالنہار ہے۔اس کے بعد پیغمبر اسلام صلی اللہ علیہ وسلم ،ان کے اہل بیت اور صحابہ کرام رضوان اللہ علیہم اجمعین کا ذکر کیا۔ انہوں نے سعودی عرب میں بہنوں ، بھائیوں اور دنیا بھر میں مسلم بھائیوں کو مخاطب کرتے ہوئے کہا ہے کہ ’’ میں اللہ تعالیٰ کے پاک گھر سے عید الفطر کے موقع پر آپ سب لوگوں کو مبارک باد پیش کرتا ہوں۔اللہ کا شکر ہے کہ ہم رمضان اور روزوں کی تکمیل میں کامیاب ہوئے ہیں۔ہم اللہ سے دعا گو ہیں کہ وہ ہمارے اچھے اعمال اور نیکیوں کو قبول فرمائے۔عزیز بھائیو! اللہ نے عبادت کے بعد عید کا یہ دن خوشیاں منانے کے لیے بنایا ہے۔یہ ہمدردی ، رواداری اور یک جہتی کی اقدار کے احیا کا دن ہے۔ہم اللہ سے دعا گو ہیں کہ وہ اس کو تمام مسلمانوں کے لیے خوشیوں بھرا دن بنادے اسے ملت اسلامیہ کے لیے خیر سے بھر دے۔اللہ کی روشن کتاب کے بعد عید اس کے عظیم پیغمبر صلی اللہ علیہ وسلم کا ہمارے لیے ایک تحفہ ہے۔

انہوں نے اپنے پیغام میں کہاکہ ہم اللہ تعالیٰ کے شکرگزار ہیں جس نے ہمیں سعودی مملکت کی قیادت اور الحرمین الشریفین میں لوگوں کی خدمت گزاری کا اعزاز بخشا۔ہم اللہ کے شکر گزار ہیں کہ ہم مملکت کے بانی شاہ عبدالعزیز، ان کے بیٹوں اور اس مملکت کے بادشاہوں کی اختیار کردہ روادار اسلام کی حکمت عملی پر عمل پیرا ہیں۔ ہم اسلامی قوم کے درمیان اتحاد اور یک جہتی کے خواہاں ہیں اور سخت گیری اور انتہا پسندی کی مذمت کرتے ہیں۔ہمارے لیے اللہ تعالیٰ نے جو کچھ بھی نعمتیں عطا کی ہیں،ہم اس پر اس کے شکر گزار ہیں اور اس سے دعا گو ہیں کہ دنیا میں ہر کہیں مسلمانوں کے حالات کو بہتر بنائے ، ہمیں نیک اور اچھے کام کرنے کی توفیق عطا فرمائے۔ہمیں اور پوری دنیا کو ہر طرح کی برائیوں سے بچائے۔دین اور مادر وطن کے لیے جانیں قربان کرنے والے ہمارے شہداء اور وفات پا جانے والے تمام مسلمانوں پر اللہ رحم فرمائے اور ان کی بخشش فرمائے۔ وہ دعاؤں کو سننے اور قبول کرنے والا ہے‘‘۔

دوسری جانب ترکی کے صدر رجب طیب اردگان نے عید الفطر پر اپنے پیغام میں ترک قوم کو مبارکباد پیش کرتے ہوئے کہا ہے کہ ماہ رمضان کے پہلے دس دنوں میں رحمت، دوسرے دس دنوں میں مغفرت اور تیسرے دس دنوں میں عذاب سے نجات کا پیغام ملتا ہے۔انہوں نے اپنے پیغام میں ترک باشندوں کو عید کی مبارک باد پیش کرتے ہوئے کہا ہے کہ یہ عید ہم سب کے لیے بھائی چارے اور اتحاد کا وسیلہ ثابت ہو۔انہوں نے اس موقع پرکہاکہ عالمِ اسلام میں مسلمانوں کو جن مشکلات اور مصیبتوں کا سامنا کرنا پڑرہا ہے اس سے ہم بھی بْری طرح متاثر ہیں اور ہماری خوشیوں کو بھی گرہن لگ گیا ہے۔ ہم اپنے مظلوم اور معذور افراد میں کسی قسم کا امتیاز کیے بغیر ان کی مدد جاری رکھے ہوئے ہیں اور آئندہ بھی ان کی امداد کو جاری رکھیں گے۔ انہوں نے ان خیالات کا اظہار اپنے عید کے پیغام میں کیا ہے۔انہوں نے اپنے پیغام میں ترک باشندوں کو عید کی مبارک باد پیش کرتے ہوئے کہا ہے کہ یہ عید ترک قوم، اور عالم اسلام اور انسانیت کے لئے باعثِ خیر بنے۔

ادھر ترکی کے وزیراعظم بن علی یلدرم نے پورے عالمِ اسلام کو عید کی مبار کباد پیش کی ہے۔انہوں نے اپنے پیغام میں عیدکو دنیا بھر میں امن اور بھائی چارے کی فضا قائم کرنے کا وسیلہ بننے کی تمنا ظاہر کی ہے۔ انہوں نے پیغام میں ترک باشندوں کو عید کی مبارک باد پیش کرتے ہوئے کہا ہے کہ میں اس عید کو ترک قوم، عالم اسلام اور پوری انسانیت کیلئے باعثِ خیر بننے کی تمنا کرتا ہوں۔مسجد الحرام اورمسجد نبویؐ میں نماز عید کی ادائیگی کے لئے15 لاکھ سے زائد افراد شریک ہوئے۔سعودی عرب ،متحدہ عرب امارات سمیت خلیجی ممالک ،انڈو نیشیا میں بھی جمعتہ المبارک کے روز عید الفطر منا ئی گئی۔برطانیہ ،فرانس ،بلجیم سمیت یورپ اور امریکہ میں مسلم اکثریت نے جمعتہ المبارک کو عید منائی۔ترکی میں بھی جمعہ کو عیدالفطر منائی گئی۔فرانس اور آسٹریلیا میں اس سال بھی دو عیدیں منائی گئیں۔ پیرس کی جامع مسجد نے جمعہ کو عید منانے کااعلان کیا تھا۔

ایک نظر اس پر بھی

دمام میں کاسرگوڈ کے ایک شخص کی لاش کی تین سال بعد تدفین

دمام سعودی عربیہ میں تین سال قبل انتقال کرگئے پڑوسی تعلقہ  کاسرگوڈ کیرالہ کے حسینار کنہی (۵۷سال) نامی ایک شخص کی لاش کو تین سال بعد دفنایا گیا۔ بتایا جاتا ہے کہ مرحوم حسینار کنہی کے پاسپورٹ پر درج اس کے  ہندوستانی پتے میں کچھ خامیاں تھیں اور پتہ نامکمل تھا اس لئے سعودی پولیس ...

سی آئی اے کا دعویٰ ، سعودی عرب کے شہزادے نے دیا تھا جمال خشوگی کے قتل کاحکم

امریکی اخبار وشنگتن پوسٹ کے صحافی جمال خشوگی کی موت کو لیکر امریکی کی خفیہ ایجنسی نے بڑا دعوی کیا ہے۔ امریکہ کی سینٹرل انٹیلیجنس ایجنسی ( سی آئی اے ) نے کہا ہے کہ نے صحافی جمال خشوگی کے قتل کے احکام دئے تھے۔

ایران میں قید ضلع شمالی کینرا کے ماہی گیروں نے رہائی کی اپیل کے ساتھ جاری کیا نیا ویڈیو؛ اُترکنڑا کے ڈپٹی کمشنر نے جلد رہائی کی دی یقین دہانی

ایرانی سمندری حدود کے خلاف ورزی کرنے کے الزام میں دبئی سے ماہی گیری کے لئے نکلنے والے شمالی کینرا کے جن 18افراد کو ایرانی حفاظتی دستے نے گزشتہ تقریباً ساڑھے تین مہینوں سے ’کشتیوں میں قید‘کررکھا ہے ، انہوں نے ایک نیا ویڈیو جاری کرتے ہوئے مجلس اصلاح وتنظیم، دبئی جماعت ، ضلع ...

 قطر  حلقہ ادب اسلامی کے زیراہتمام ڈاکٹر شاہ رشاد عثمانی کی صدارت میں  نعتیہ اجلاس ومشاعرہ کا انعقاد

بڑی مسرت کی بات ہے کہ حلقہء ادب اسلامی۔قطر نے 8 نومبر 2018م کی شب اپنا سالانہ نعتیہ اجلاس ومشاعرہ  ادار ہ ادب اسلامی ہند کے کل ہند صدر  ڈاکٹر شاہ رشاد عثمانی کی صدارت میں منعقد کیا، موصوف محترم، حلقے کی خصوصی دعوت پر دوحہ قطر تشریف لائے ہوے تھے، اجلاس میں ڈاکٹر رضوان رفیقی فلاحی ...

دوحہ قطر میں ’جدید ادبی تحریکات و نظریات پر ایک نظر‘توسیعی خطبہ کا انعقاد : ڈاکٹر شاہ رشاد عثمانی    کا پرمغز خطاب

جدید ادبی تحریکات و نظریات پر ایک نظر، اس عنوان کے تحت مؤرخہ 10 نومبر 2018م سنیچر کی شام حلقہء ادب اسلامی قطر نے ڈاکٹر شاہ رشاد عثمانی صاحب کی ہندوستان سے آمد کی مناسبت سے استفادہ کرتے ہوئے ایک توسیعی خطبہ کا اہتمام کیا، ڈاکٹر صاحب حلقہ کے سالانہ نعتیہ اجلاس و مشاعرہ کی صدارت کے ...