جزیرہ سیناء میں مصری فوج کی کارروائی میں 19 جنگجو ہلاک

Source: S.O. News Service | Published on 21st April 2017, 5:44 PM | عالمی خبریں |

قاہرہ،21اپریل(ایس او نیوز/آئی این ایس انڈیا)مصری فضائیہ نے ایک تازہ آپریشن میں جزیرہ نما سینا میں سرگرم داعشی دہشت گردوں کے خلاف ایک کارروائی کے دوران 19 دہشت گردوں کو ہلاک کرنے اور ان کی چارگاڑیوں کو تباہ کرنے کا دعویٰ کیا ہے۔ مصری فوج کے ترجمان نے اپنے ایک بیان میں بتایا کہ جزیرہ نما سینا کے وسط اور شمال میں دہشت گردوں کے ٹھکانوں اور گاڑیوں پر کو جنگی طیاروں سے نشانہ بنایا گیا جس کے نتیجے میں جزیرہ سینا میں داعش کے کئی سرکردہ کمانڈروں، تنظیم کی شرعی کونسل کے سربراہ سمیت انیس جنگجو ہلاک ہوگئے۔ترجمان کا کہنا ہے کہ سیکیورٹی فورسز جزیرہ سینا میں دہشت گردوں اور تکفیر عناصر کے خلاف فضائی اور زمینی آپریشن جاری رکھے ہوئے ہے۔ادھر مصری فوج نے بتایا ہے کہ حال ہی میں ملک میں گرجا گھروں پر حملوں میں ملوث ایک دہشت گرد نے خود کو حکام کے حوالے کردیا ہے۔
 

ایک نظر اس پر بھی

ترکی میں وکیپیڈیا کی بندش کی وجہ سامنے آ گئی

آن لائن انسائیکلوپیڈیا وکیپیڈیا کو ترکی میں بند اس لیے کیا گیا کیونکہ اس کی ویب سائٹ پر موجود کچھ مواد میں یہ الزام عائدکیاگیاہے کہ ترکی دہشت گرد تنظیموں کی حمایت کرتا ہے۔

اوول آفس میں ڈونلڈ ٹرمپ کے سو دن:کیا کھویا، کیا پایا؟

ڈونلڈٹرمپ نے امریکی صدر کے طور پر اپنے پہلے ایک سو روز مکمل کر لیے ہیں۔ اس موقع پر انہوں نے ریاست پنسلوینیا میں ایک بڑی ریلی سے خطاب کرتے ہوئے ذرائع ابلاغ اور سابق صدر باراک اوباما پر تنقید کی اور اپنے اقدامات کو سراہا۔

چین کی انتہاپسندی جاری: ’محمد‘ نام پر پابندی

چینی حکام نے مسلمان اکثریتی مغربی ریاست ’مشرقی ترکستان‘ یعنی سنکیانگ میں انتہا پسندی سے نمٹنے کا ایک انوکھا طریقہ اختیار کیا ہے اور ریاست بھر میں نوموجود بچوں کینام ’محمد‘ اور ’جہاد‘ رکھنے پر پابندی عاید کی گئی ہے۔امریکی اخبار ’نیویارک ٹائمز‘ میں شائع ہونے والے ایک ...

سیناء: مصری قبیلے نے داعشی کمانڈر کو زندہ جلا ڈالا

مصر میں سیناء کے قبائل نے دھمکی دی ہے کہ دہشت گرد تنظیم داعش کے عناصر کے تعاقب اور ان کو ہلاک کرنے کا سلسلہ جاری رہے گا یہاں تک کہ سیناء کا علاقہ شدت پسندوں سے پاک ہو جائے۔اس دوران الترابین قبیلے کی جانب سے ایک وڈیو جاری کی گئی ہے جس میں قبیلے کے افراد نے داعش کے ایک کمانڈر کو ...