ای ای ایس ایل نے 18 لاکھ اسمارٹ میٹر لگانے کے لیے بجلی کمپنیوں کے ساتھ سمجھوتہ کیا
پٹنہ:8/ اگست (ایس او نیوز/آئی این ایس انڈیا)مرکزی بجلی کی وزارت کے انٹر پرائز انرجی ایفی شیئنسی سروسز لمیٹڈ (ای ای ایس ایل) نے ریاست کے 130 شہروں اور آس پاس کے دیہی علاقے میں اسمارٹ میٹر لگانے کے لئے نارتھ بہار پاور ڈسٹریبیوشن کمپنی لمیٹڈ (این بی پی ڈی سی ایل) اور ساؤتھ بہار پاور ڈسٹریبیوشن کمپنی لمیٹڈ (ایس بی پی ڈی سی ایل) کے ساتھ دو معاہدوں پر دستخط کئے جس سے تقریبا 18 لاکھ صارفین مستفیض ہوں گے۔معاہدے پر دستخط وزیر مملکت (آزادانہ چارج) بجلی اور جدید اور قابل تجدید توانائی کی وزارت ۔ مسٹر آر کے سنگھ کی موجودگی میں ہوا۔ای ای ایس ایل کے منیجنگ ڈائریکٹر مسٹر سوربھ کمار اور ایس بی پی ڈی سی ایل کے منیجنگ ڈائریکٹر مسٹر آر لکشمن (آئی اے ایس) کے درمیان معاہدہ کا تبادلہ ہوا۔صارفین کے لئے اسمارٹ میٹر کے فوائد پر زور دیتے ہوئے وزیر مملکت مسٹر آر کے سنگھ نے کہا، "روایتی بجلی میٹر کی جگہ ا سمارٹ میٹر لگانا بہار کے بجلی کے شعبے میں اصلاحات کی سمت میں قابل ذکر قدم ہے جہاں صارفین کو سہولت اور اطمینان بخش سروس فراہم کرنا ہمارے اہم مقاصد میں شامل ہیں۔ا سمارٹ میٹر سے تکنیکی اور تجارتی نقصان (اے ٹی اینڈ سی لاس) کم ہوگا، بجلی سپلائی کمپنیوں کی اقتصادی حالت بہتر ہو گی، توانائی کے تحفظ کو فروغ ملے گا، بل کی ادائیگی اور آسان ہو جائے گی اور مینوئل میٹر ریڈنگ کی غلطیوں سے چھٹکارا ملے گاجس سے بل بالکل درست آئے گا۔ای ای ایس ایل کے منیجنگ ڈائریکٹر، مسٹر سوربھ کمار نے کہا، "ہمیں بہار کے اس سفر میں حصہ داری کا فخر ہے، جس میں ریاست کی تقسیم کمپنیاں اسمارٹ پہلیں اپنا رہی ہیں۔اسمارٹ میٹر نہ صرف صارفین کو اپنی کھپت کی شکل اور اس لاگت کی نگرانی میں مدد کریں گے بلکہ ہندوستان کے بجلی کے شعبے میں بہتری میں قابل ذکر ٹیکنالوجی کے طور پر جدید صلاحیت کا راستہ بھی بنے گا۔