چدمبرم اور بیٹے کے گھر ای ڈی کاچھاپہ، کانگریسی لیڈرکاالزام،کچن کی بھی تلاشی لی گئی

Source: S.O. News Service | By Shahid Mukhtesar | Published on 13th January 2018, 10:04 PM | ملکی خبریں |

نئی دہلی، 13؍جنوری ( ایس اونیوز؍آئی این ایس انڈیا)کانگریسی لیڈر اور سابق وزیر خزانہ پی چدمبرم اور اس کے بیٹے کارتی چدمبرم کے دہلی اور چنئی کے گھروں پرای ڈی کی چھاپے ماری ہوئی۔ای ڈی کایہ چھاپہ ایئرسل -میککسس ڈیل کولے کرپڑا ہے۔چھاپے کے دوران چدمبرم اور کارتی گھر میں حاضرنہیں تھے۔ای ڈی کے چھاپے پر چدمبرم نے صفائی پیش کرتے ہوئے کہا کہ اس معاملے میں سی بی آئی یا کسی بھی ایجنسی نے کوئی ایف آر درج نہیں کی ہے۔چدمبرم نے کہاہے کہ چنئی میں چھاپہ ماری متوقع تھی لیکن یہ بات تعجب خیزہے کہ وہ دہلی کے جورباغ گھر میں ریڈمارنے آگئے۔چدمبرم کے مطابق حکام نے محسوس کیا کہ کارتی جور باغ کے گھر میں ہے لیکن ایسا نہیں ہے اورکاتی کو گھر میں نہ پاکرحکام گھبراگئے۔ای ڈی حکام نے چدمبرم کے کمرے اور کچن کی بھی تلاشی لی۔سابق وزیر خزانہ نے کہا کہ ای ڈی افسران نے چھاپہ مارا اور انہیں کچھ نہیں ملا لیکن انہوں نے خود کو صحیح ثابت کرنے کے لئے کچھ کاغذات لے لئے ہیں۔چدمبرم نے کہا کہ وہ تحقیقات میں مکمل طور پر تعاون کررہے ہیں لیکن ای ڈی کو پی ایم ایل اے (انسداد منی لانڈرنگ ایکٹ)کے تحت تحقیقات کرنے کا حق نہیں ہے۔بتادیں کہ سپریم کورٹ نے کل ای ڈی اور سی بی آئی کو نوٹس جاری کیا تھاکہ وہ چدمبرم کے گھرکس بنیاد پرچھاپے ماری کررہے ہیں۔تاہم عدالت نے اس معاملے میں کوئی حکم جاری نہیں کیا ہے۔ دوسری صورت میں ای ڈی کی یہ کارروائی عدالت کے حق میں کہی جاسکتی ہے۔ای ڈی نے 2007میں آئی این ایکس میڈیا کے لئے غیر ملکی سرمایہ کاری میں مبینہ غیر قانونی پیسے لانڈرنگ کیس میں کارتی چدمبرم کو تازہ سمن جاری کیا تھا۔ای ڈی نے مئی 2017میں سابق وزیر خزانہ کے بیٹے کے خلاف منی لانڈرنگ کا مقدمہ درج کیا۔وہیں سی بی آئی اس کیس کی علیحدہ تحقیقات کر رہی ہے۔

ایک نظر اس پر بھی

رافیل جنگی طیارہ سودے کو لے کر راہول گاندھی نے کیا وزیر دفاع سے استعفیٰ کا مطالبہ

کانگریس صدر راہل گاندھی نے وزیر دفاع نرملا سیتا رمن پر رافیل جنگی طیارہ سودے کو لے کر لگا تار جھو ٹ بولنے کا الزام لگاتے ہوئے کہا ہے کہ ان کے جھوٹ کی پول کھلتی جا رہی ہے اس لئے اب وہ اپنے عہدے سے استعفیٰ دے دیں۔

جیٹ ایئرویز کے سیفٹی آڈٹ کا حکم، پائلٹ صاحب  ہوا کا دباو کم کرنے والا سوئچ آن کرنا ہی بھول گئے

جیٹ ائیرویز کے طیارہ میں پائلٹ ٹیم کی غلطی کی وجہ سے مسافروں کی طبیعت بگڑنے کے معاملہ میں شہری ہوابازی کی وزارت نے ڈی جی سی اے کو ایئر لائن کا سیفٹی آڈٹ کرنے کا حکم دیا ہے۔ شہری ہوابازی کے وزیر سریش پربھو نے اس معاملہ میں جانچ کی ہدایت بھی دی ہے۔

تین طلاق پر آرڈیننس لانامودی حکومت کی ہٹ دھرمی اورمسلم خواتین کو گمراہ کرنے کی مذموم کوشش:مولانا اسرارالحق قاسمی

معروف عالم دین وممبر پارلیمنٹ مولانا اسرارالحق قاسمی نے تین طلاق پرمودی حکومت کے آرڈیننس لانے کے اقدام کوقطعی نامناسب اور ضدو ہٹ دھرمی پر مبنی قرار دیتے ہوئے کہا ہے کہ حکومت کو موقر ایوان اور دستور کی کوئی پروانہیں ہے اور وہ آئندہ عام انتخابات کے پیش نظر مسلم خواتین کو گمراہ ...

بھساول ۔ناسک ٹاڈا مقدمہ؛ سرکاری گواہ کا پولس کی جانب سے لالچ دیئے جانے کا اعتراف؛ عرضداشت پر بحث مکمل، ۲۷؍ ستمبر کو ہوگا فیصلہ

24؍ سال پرانے بھساول۔ناسک ٹاڈا مقدمہ میں گذشتہ کل تیسر ے سرکاری گواہ کی گواہی عمل میں آئی جس کے دوران اس نے جمعیۃ علماء مہاراشٹر (ارشد مدنی) کی جانب سے مقرر کردہ دفاعی وکیل شریف شیخ کی جرح کی دوران اعتراف کیا کہ وہ اس معاملے میں پہلے ملزم تھا اور تحقیقاتی دستہ نے اس کا 164 اور 161 ...

طلاق دینے پر صرف مسلم مردوں کو سزاء کیوں؟ ہندومردوں کو سزاء کیوں نہیں؟ کویتا کرشنن کا سوال

ملک کی اپوزیشن جماعتوں اور سرگرم خاتون کارکنوں نے کل جبکہ حکومت ہند ’’ بیک وقت تین طلاق ‘‘ کو ایک تعزیری جرم قراردینے ‘ آرڈیننس جاری کرنے کا راستہ اختیار کیا ہے‘ حکومت سے پوچھا ہے کہ ایسے ہندومَردوں کیلئے مذکورہ نوعیت کی دفعات کیوں نہیں بنائی گئیں جو اپنی بیویوں کو ...