وجے مالیا کے خلاف ای ڈی نے دائرکی چارج شیٹ
ممبئی،14؍جون(ایس او نیوز؍آئی این ایس انڈیا)انفورسمنٹ ڈائریکٹوریٹ (ای ڈی)نے بینک قرض کیس میں بلیک منی کی تحقیقات کے سلسلے میں شراب کاروباری وجے مالیااور دوسروں کے خلاف بدھ کوپہلی چارج شیٹ دائرکی۔یہاں ایک خصوصی عدالت میں انسدادبلیک منی ایکٹ کی مختلف دفعات کے تحت بھاری بھرکم معاہدوں کے ساتھ 57صفحات کی چارج شیٹ یا استغاثہ کی شکایت دائرکی۔ای ڈی نے اس سودے میں گزشتہ سال ایک فوجداری مقدمہ درج کیا تھا اور اس نے ابھی تک9600کروڑروپے تک کی جائیدادضبط کی ہے۔حکام نے بتایا کہ ایجنسی نے الزام خط میں اس بارے میں تفصیل سے بتایا ہے کہ کس طرح قوانین کی مبینہ خلاف ورزی کرتے ہوئے تقریباََ 400کروڑ روپے کے خزانے بیرون ملک بھیجے گئے ہیں۔