5 ہزار کروڑ روپے کے گھوٹالہ معاملے میں ای ڈی نے آندھرا بینک کے سابق ڈائریکٹر انوپ پرکاش گرگ کو کیا گرفتار
احمد آباد، 13جنوری(ایس او نیوز؍آئی این ایس انڈیا)گجرات کے سندیسارا گروپ کے پانچ ہزار کروڑ روپے کے گھوٹالے میں ای ڈی نے آندھرا بینک کے سابق ڈائریکٹر انوپ پرکاش گرگ کو گرفتار کر لیا ہے۔سندیسارا گروپ پر ہوئے چھائے کے دوران ایک ڈائری ملی اس میں آندھرا بینک کے ڈائریکٹر گرگ کا بھی نام تھا۔ڈائری کے مطابق 1 کروڑ 52 لاکھ روپے گرگ کو دیے گئے تھے۔تفتیش کے دوران گرگ کے کولکاتہ کی شیل کمپنی میں بھی پیسہ لگانے کے بارے میں پتہ چلا ہے۔سندیسارا گروپ پر بینکوں سے لون لے کر پیسہ ہڑپنے کا الزام ہے۔ مانا جا رہا ہے کہ گرگ کی گرفتاری کے بعد کئی اہم راز بھی کھل سکتے ہیں اور تحقیقات کے شکنجے میں بہت سے سیاستدان آ سکتے ہیں۔ای ڈی اس معاملے میں گگن دھون نام کے شخص کو گرفتار کر چکی ہے۔