بنڈی پور ریزرو فاریسٹ میں عنقریب ماحول دوست بسیں چلائی جائیں گی
چامراج نگر 11جنوری (ایس او نیوز ) چامراج نگر ضلع کے گنڈلو پیٹ تعلقہ کے بنڈی پور ریزروفاریسٹ میں عنقریب ماحول دوست بسیں چلائی جائیں گی۔موجودہ طور پر اس سفاری پارک میں سیاحوں کو لے جانے کیلئے ڈیزل کی بسوں کا استعمال کیا جارہا ہے ۔ ان کی جگہ جلد ماحول دوست بسیں لے لیں گی جو استعمال کے لئے موزوں پائی گئیں۔محکمہ نے ان بسوں کے استعمال کے فائدے اور نقصان کی تفصیلات حاصل کی ہیں ۔ ان بسوں کو مہاراشٹرا کی ایک کمپنی نے تیار کیا ہے ۔ ان خوبصورت بسوں کا سب سے بڑا فائدہ یہ ہے کہ ان میں آواز نہیں ہے اور یہ دھواں بھی نہیں چھوڑتی۔ان بسوں کو کچھ وقت کے لئے تجرباتی اساس پر استعمال کیا جائے گا۔ انہیں بنڈی پور میں متعارف کیا جائے گا۔ 20بسوں کو خریدا گیا ہے جو چار گھنٹے کی چارجنگ پر 120کلومیٹر کا احاطہ کرسکیں گے ۔اگر یہ بس استعمال کے لئے موزوں ثابت ہوں تو 16سیٹوں والی بسوں کو جنگل لاجس اور ریسارٹس کی جانب سے خریدا جائے گا، جو حکومت کا ایک ادارہ ہے ۔