بھٹکل انجمن سے فارغ نوجوان دوستوں کا جرأت مندانہ اقدام: عوام کے روزمرہ مسائل میں تعاون کے لئے eBHATKAL.comویب سائٹ کا اجراء
بھٹکل:8؍نومبر (ایس او نیوز)انجمن حامئی مسلمین بھٹکل سے فارغ التحصیل 4نوجوان دوستوں نے روایت کے مطابق بیرونی ممالک کا رخ کرنے کے بجائے اپنی ذاتی لیاقت ، صلاحیت کے بل بوتے گھربیٹھے ویب ڈیزائننگ جیسے جدید شعبہ جات میں حوصلہ مند قدم رکھنا بھٹکل کے نوجوانوں کے لئے فعال نیک تصور کیا جارہاہے۔ اس ضمن میں ان چار جرأت مند نوجوانوں کی طرف سے تیار کردہ ویب سائٹ com eBHATKAL.کا 8نومبر 2018بروز جمعرات کو بعدنماز عصر انجمن گرلس کالج روڈ پر واقع سعیدہ کامپلکس میں واقع دفتر میں مرکزی خلیفہ جماعت المسلمین بھٹکل کے چیف قاضی مولانا خواجہ معین الدین اکرمی ندوی مدنی نے ویب سائٹ کا اجراء کیا۔
افتتاحی تقریب میں مولانا نے نوجوانوں کی ستائش کرتے ہوئے کہاکہ مسلمان جو بھی کام کرتے ہیں وہ سچائی ، امانتداری ، ایمانداری سے کام کرتےہیں۔ متعلقہ میدان ہمارے نوجوان مخلص ، صحیح طریقہ پر صحیح خدمات انجام دیں گے تو اللہ تعالیٰ ضرورکامیابی عطاکرنے کی بات کہتے ہوئے نوجوانوں کی ترقی کے لئے دعا کی۔ اس موقع پر انجمن بی بی اے کالج کے پرنسپال کے محسن نے بھی اپنے طلبا کی پیش قدمی کی ستائش کرتے ہوئے کہاکہ اپنی منزل پر پہنچنے کے لئے محنت و لگن سے کام کرنےکی تلقین کی ۔اس موقع پر قائد قوم دامدا حسن شبر سمیت کئی لوگ موجود تھے۔
ویب سائٹ کے ذمہ داران ارسلان معلم، عمران علی اکبرا ، شموئیل دامدا اور نوال اکرمی ہی وہ نوتعلیم یافتہ نوجوان ہیں جنہوں نے بھٹکل اور اطراف و اکناف کے عوام کے لئے ای بھٹکلcom eBHATKAL.کے نام سے ویب سائٹ کا اجراء کیا ہے جس کے ذریعے عوام کو سہولت مہیا کرنے اور روزمرہ کے مسائل میں تعاون کیا جائے گا۔گا۔
ان نوجوانوں کا کہنا ہے کہ ہم نے اپنی تعلیم مکمل کرتے ہی گھر میں بیٹھے بیٹھے ویب ڈیزائننگ، موبائیل اپیس اینڈ ڈیولیپمنٹ ، برانڈنگ اور ڈیجیٹل مارکٹنگ کرنا شروع کیا۔ جس میں کامیاب ہوتے نظر آئے تو حوصلہ پاکر اپنی خود کی ایک آفس سینرو،ٹکنالوجیسکے نام سے شروع کرنے کے ایک ہفتہ ویب سائٹس کا اجراء کیا ہے۔ ویب سائٹ کے ایک ذمہ دار ارسلان معلم نے تقریب میں شامل مہمانوں کے سامنے مختصرا eBHATKALویب سائٹ کا تعارف پیش کرتے ہوئے ویب سائٹ کے مقاصد کیا ہیں اور کس طرح بھٹکل کے عوام استفادہ کرسکتے ہیں بیان کیا۔ توقع کی جارہی ہے کہ eBHATKAL بھٹکل اور اطراف و اکناف کے لوگوں کے لئے نفع بخش ثابت ہوگا ۔ اور ان نوجوانوں کی یہ کوشش آگے اور بھی نوجوانوں کے لئے مشعل راہ ثابت ہو گی ۔