اروناچل کے پاس ہند-چین سرحد پر آیا 6.4 کی شدت کا زلزلہ
اروناچل پردیش ،18؍نومبر (ایس او نیوز؍آئی این ایس انڈیا)اروناچل پردیش کے پاس ہند-چین سرحد پر سنیچر کی صبح زلزلے کے جھٹکے محسوس کئے گئے۔ریکٹر اسکیل پر زلزلے کی شدت6.4 درج کی گئی ہے۔بتایا جا رہا کہ زلزلے کا مرکز زمین سے دس کلو میٹر اندر تھا۔ابتدائی اطلاعات کے مطابق ابھی تک کسی طرح کے جانی ومالی نقصان کی کوئی خبر نہیں ہے۔ایک ہفتے پہلے ہی ایران-عراق میں زلزلے نے شدید تباہی مچائی تھی۔ایران-عراق سرحد پر آئے 7.3 شدت کے شدید زلزلے سے دونوں ممالک میں 530 سے زیادہ لوگوں کی جان چلی گئی جبکہ ہزاروں افراد زخمی ہو گئے تھے۔زلزلے سے ایران میں 407لوگوں کی موت ہو گئی اور 7,460زخمی ہوگئے۔ وہیں عراق کی وزارت داخلہ کے مطابق ملک کے شمالی کرد علاقے میں زلزلے سے کم از کم سات افراد کی جان گئی ہے اور 535 دیگر زخمی ہوئے ہیں۔جنوبی کوریا کے جنوب مشرقی شہر پوہاگ میں بھی 15 نومبر کو 5.4 شدت کے زلزلے کے جھٹکے محسوس کئے گئے تھے۔اس میں 50 سے زیادہ لوگ زخمی ہوئے تھے، جبکہ 1,500لوگ نے گھروں کے باہر پناہ لی ہے۔اس ملک میں یہ اب تک دوسرا سب سے طاقتور زلزلہ تھا، جس کا مرکز زمین سے نو کلومیٹر کی گہرائی میں تھا۔