ورلڈ ایتھلیٹکس چیمپئن شپ میں حصہ لے سکتی ہیں ہندوستان کی رنر دتی چند
نئی دہلی ،29جولائی(ایس او نیوز؍آئی این ایس انڈیا) اڑیسہ کی تیزرنردتی چند کے اگلے ماہ ورلڈ ایتھلیٹکس چیمپئن شپ میں حصہ لینے کا امکان ہے کیونکہ کوالیفائنگ سطح حاصل کرنے میں ناکام رہنے کے باوجود ایتھلیٹکس فیڈریشنوں کے بین الاقوامی فیڈریشن (آئی اے اے ایف)نے انہیں دعوت بھیجا ہے۔غور طلب ہے کہ ابتدائی 11.26سیکنڈ کی سطح کو حاصل کرنے میں دتی ناکام رہی تھی لیکن انہیں آئی اے اے ایف سے دعوت ملی ہے کیونکہ لندن میں چار سے 13اگست تک ہونے والی اس مقابلے کی خاتون 100میٹر مقابلے کے لئے 56کھلاڑیوں کا ہدف پورا نہیں ہو پایا ہے۔
دتی کی بہترین کارکردگی 11.30سیکنڈ رہی جو انہوں نے 15مئی کو یہاں انڈین گراپری کے دوران حاصل کیا۔ہندوستانی ایتھلیٹکس فیڈریشن کے صدر ادلے سماروالا نے کہا کہ ہمیں دتی چند کو خواتین 100میٹر دوڑ کے لئے کوٹہ داخلے کی پیشکش کا آئی اے اے ایف کی دعوت ملی ہے۔ایسا اس لئے ہے کیونکہ مقابلے میں کھلاڑیوں کا ہدف پورا نہیں ہو پایا۔انہوں نے کہاکہ ہمیں 12گھنٹے کے اندر اندر ہاں یا نہ میں جواب دینے کو کہا گیا ہے اور ہم اسے قبول کر رہے ہیں۔