ڈی یو داخلہ: 23جون کو جاری کی جائے گی پہلی کٹ آف لسٹ
نئی دہلی، 16؍جون(ایس او نیوز؍آئی این ایس انڈیا )دہلی یونیورسٹی (ڈی یو)نے گریجویٹ کورس میں داخلے کے لیے کٹ آف لسٹ جاری کئے جانے کی مجوزہ تاریخ جاری کر دی ہے۔اس کے مطابق پہلی کٹ آف لسٹ 23؍جون کو جاری کی جائے گی اور داخلے کی کاروائی 24؍جون سے شروع ہوگی ۔داخلے کی کاروائی سے متعلق سبھی معلومات ڈی یو کی آفیشیل ویب سائٹ پر دی گئی ہیں۔ویب سائٹ پر بتایا گیا ہے کہ تعلیمی سیشن 2017-2018کے لیے گریجویٹ کورس میں داخلہ 20؍جون کو ملتوی کر کے 23؍جون (شام)کو پہلی کٹ آف لسٹ جاری کی جائے گی ،جس کے بعد اسی کے مطابق 24؍جون سے داخلہ کا عمل شروع ہو گا۔دستاویزات کے ویریفیکیشن کا کام صبح میں صبح 9.30سے 1.30بجے کے درمیان اور شام کو 4سے 7بجے کے درمیان ہو گا۔