دبئی کے حکم راں کی طرف سے 10لاکھ درہم مشاہرے کی ملازمت کا اعلان

Source: S.O. News Service | By Shahid Mukhtesar | Published on 26th February 2018, 12:43 PM | خلیجی خبریں |

دبئی25فروری(ایس او نیوز؍آئی این ایس انڈیا)متحدہ عرب امارات کے نائب صدر ، وزیراعظم اور دبئی کے حکم راں شیخ محمد بن راشد آل مکتوم نے ہفتے کے روز ایک ملازمت کا اعلان کیا ہے جس کے لیے دیے جانے والے مشاہرے کی رقم دس لاکھ اماراتی درہم ہے۔ٹوئیٹر پر مذکورہ اسامی سے متعلق ٹوئیٹ میں شیخ محمد کا کہنا ہے کہ 2018 میں "امید ساز" کے منصب پر کام کرنے کے لیے امیدوار کو عرب شہریت کا حامل ہونا چاہیے۔ امیدوار کے لیے عمر کی کوئی قید نہیں تاہم اس کے پاس سماجی خدمت کے میدان میں کام کرنے کا تجربہ ہونا چاہیے۔ امیدوار زندگی کے حوالے سے مثبت ویژن کا حامل ہو اور اسے درد مندی اور خدا ترسی کی زبان پر عبور حاصل ہو۔مذکورہ اسامی کا اعلان "امید سازوں" کے اُس منصوبے کے ضمن میں کیا گیا ہے جس کا آغاز گزشتہ برس شیخ محمد کی جانب سے کیا گیا تھا۔ اس حوالے سے مئی 2017 میں اچانک یہ اعلان سامنے آیا کہ عرب دنیا سے تعلق رکھنے والے پانچ افراد کو امید ساز شخصیات کا خطاب دیا گیا ہے۔ پانچوں امید ساز شخصیات کی دبئی شہر میں ایک اسٹوڈیو میں باقاعدہ تاج پوشی کی گئی۔ اور شیخ محمد کی جانب سے فی کس 10 لاکھ درہم کی رقم دی گئی۔ یہ وہ "امید ساز" شخصیات تھیں جو انسانی رہ نمائی اور ہدایت کے لیے مینارہ نور ہونے کے ساتھ ساتھ خیر و فلاح کے باب میں بھی پیش پیش رہیں۔شیخ محمد کی جانب سے پانچ "امید سازوں" میں مجموعی طور پر 50 لاکھ درہم کی تقسیم اپنی نوعیت کا دنیا کا گراں قیمت انعام ہے۔یاد رہے کہ ان پانچ حتمی "امید سازوں" کے انتخاب کے لیے ہونے والے مقابلے میں 22 ممالک کے 65 ہزار امیدواروں کے درمیان مقابلہ تھا۔

ایک نظر اس پر بھی

تہوار کے موسم میں گلف - منگلورو ہوائی کرایہ آسمان چھو گیا - دبئی سے منگلورو ایک طرفہ کرایہ ہوگیا 70 ہزار روپے !

موسم گرما کی چھٹیاں ، ایسٹر، یوگادی اور عید کے تہواروں کا موسم قریب آتے ہی دبئ سے منگلورو تک کا ہوائی کرایہ آسمان کو چھونے لگا ہے جس کی وجہ سے  جو ایک طرفہ کرایہ زیادہ سے زیادہ 30 ہزارو روپے تک چل رہا تھا اب بڑھ کر 70 ہزار روپوں کے نشان تک پہنچ گیا ہے ۔    

سعودی عربیہ میں المناک سڑک حادثہ؛ منگلورکے ایک ہی خاندان کے چار لوگوں کی موت

ریاض کے مضافاتی علاقہ زُلفیٰ میں پیش آئے ایک المناک کار حادثے میں مینگلورو کے ایک ہی خاندان کے 4 افراد جاں بحق ہوگئے، جن میں 3 ماہ کا بچہ بھی شامل ہے۔ حادثہ بدھ کی شب کو اُس وقت پیش آیا جب یہ لوگ عمرہ  کے لیے قطر سے مدینہ منورہ (سعودی عرب) جا رہے تھے۔ 

بھٹکل مسلم جماعت دبئی کے لیے نئے عہدیداران کا انتخاب: شہریار خطیب صدر اور جیلانی محتشم بنے جنرل سکریٹری

جماعت کے سرگرم رکن جناب شہریار خطیب گلف کی بھٹکلی جماعتوں میں سب سے زیادہ مضبوط اور سرگرم سمجھی جانے والی بھٹکل مسلم جماعت کے صدرمنتخب ہوگئے ، جبکہ جناب جیلانی محتشم جنرل سکریٹری کے عہدہ پر فائز ہوگئے ہیں۔ نائب صدر کے عہدہ پر عمران خطیب، سکریٹری اول کے طور پرعبدالوسیع خلیفہ، ...

سعودی عربیہ میں چاند نظر آگیا؛ سعودی سمیت عرب امارات، بحرین اور دیگر گلف ممالک میں رمضان کا اعلان؛ عمان میں ایک دن بعد یعنی منگل کو ہوگا پہلا روزہ

سعودی عربیہ میں آج اتوار شام کو چاند نظر آنے کے بعد سعودی عربیہ سمیت  متحدہ عرب امارات، قطر، بحرین اور کویت  میں    رمضان کا اعلان کیا گیا ہے۔البتہ مسقط میں رویت ہلال ثابت نہیں ہوا، اس لئے وہاں رمضان کا اعلان نہیں ہوا ہے۔

دبئی سمیت عمان میں بھی گرج چمک کے ساتھ طوفانی بارش

  دبئی سمیت متحدہ عرب امارات کی مختلف شہروں  میں موسلا دھار بارش  ہونے سے کئی علاقوں میں سڑکوں پر پانی جمع ہوگیا ہے۔ عرب میڈیا کے مطابق  ہفتہ کی صبح  دبئی ،ابو ظبی، فجیرا اور دیگر علاقوں میں گرج چمک کے ساتھ موسلا دھار بارش ہوئی جبکہ دبئی کے مختلف علاقوں میں طوفانی بارش کے ...

سعودی عرب کے ریاض میں دنیا کا بلند ترین ٹاور تعمیر ہوگا

الریاض میں دنیا کا بلند ترین ٹاور تعمیر ہوگا جس کی اونچائی دو کلو میٹر ہو گی۔سبق ویب سائٹ کے مطابق ’architects journal‘ نے کہا ہے کہ برطانوی کمپنی ریاض میں تعمیر ہونے والے بلند ترین ٹاور کا ڈیزائن تیار کر رہی ہے۔توقع کی جارہی ہے کہ ریاض میں تعمیر ہونے والا ٹاور برج خلیفہ سے بلند ہوگا ...