دبئی کے قریب عجمان میں کل جمعہ سے شروع ہورہا ہے این جی ٹی۔بی پی ایل کا عظیم الشان کرکٹ ٹورنامنٹ؛ دوپہر تین بجے ہوگی افتتاحی تقریب
دبئی 26/ جنوری (ایس او نیوز) کل جمعہ سے عجمان کے اوول انٹرنیشنل گرائونڈ پر این جی ٹی ۔بھٹکل پریمئیر لیگ (بی پی ایل) کا عظیم الشان کرکٹ ٹورنامنٹ شروع ہورہا ہے جس میں دبئی اور متحدہ عرب امارات کے مختلف علاقوں اور شہروں میں مقیم بھٹکلی نوجوان حصہ لے رہے ہیں۔ ٹورنامنٹ میں آٹھ ٹیموں کے درمیان مقابلے ہوں گے ۔
بی پی ایل کے چیرمین جناب عتیق الرحمن مُنیری نے بتایا کہ کل جمعہ کو افتتاحی قریب دوپہر ٹھیک تین بجے شروع ہوگی جس میں قائد قوم جناب ایس ایم سید خلیل الرحمن صاحب مہمان خصوصی کے طور پر جلوہ افروز ہوں گے۔ کینرا مسلم خلیج کونسل کے صدر جناب محمدباپو باشہ رکن الدین، بی ایم جے ڈی صدر محمد اشفاق سعدا، جنرل سکریٹری محمد یوسف برماور اعزازی مہمان کے طور پر شریک ہوں گے۔
افتتاحی تقریب کے موقع پر BPL کا ترانہ بھی لانچ کیا جائے گا۔
ٹورنامنٹ کی آٹھ ٹیموں کو دو گروپوں میں تقسیم کیا گیا ہے جس میں پہلے گرو پ میں ڈی وی ایس اسمیشرس، قاسمجی ویرئیرس، مرحبا چمپس اور فور پارٹنرس چارجرس ہیں،جبکہ دوسرے گروپ میں میک ہوم چیلنجرس، ابوظبی رائیڈرس، رکن الدین برادرس ٹائٹن اور یونیک اسٹرائیکرس شامل ہیں۔
کل ٹورنامنٹ کا پہلا میچ دوپہر ٹھیک 4:45 بجے ڈی وی ایس اسمیشر س اور قاسمجی ویرئیرس کے درمیان ہوگا، جبکہ اسی دن شام 7:30 بجے دوسرا میچ میک ہومس چیلنجرس اور ابوظبی رائیڈرس کے درمیان ہوگا۔
ٹورنامنٹ کے تعلق سے معلومات فراہم کرتے ہوئے بی پی ایل کے کمشنر وسیم کے ایم نے بتایا کہ ٹورنامنٹ کے تمام میچس صرف ہفتہ میں ایک بار جمعہ کو ہی کھیلے جائیں گے، پہلے اور دوسرے جمعہ دو ، دو میچس، تیسرے اور چوتھے جمعہ کو چار چار میچس جبکہ پانچویں جمعہ کو دو سیمی فائنلس اور فائنل یعنی تین میچس کھیلے جائیں گے۔
خیال رہے کہ این جی ٹی۔ بی پی ایل کرکٹ ٹورنامنٹ میں متحدہ عرب امارات میں مقیم بھٹکل اور اطراف کے کھلاڑیوں کا بولی کے ذریعے انتخاب ہوتا ہے، اس بنا پر ٹورنامنٹ کے میچس بے حد سخت اور نہایت دلچسپ ہوتے ہیں۔
توقع کی جارہی ہے کہ گذشتہ سالوں کی طرح امسال بھی بی پی ایل ٹورنامنٹ سے متحدہ عرب امارات میں مقیم بھٹکل کے نوجوان خوب محظوظ ہوں گے اور کرکٹ کی شیدائی بڑی تعداد میں اوول میدان میں پہنچ کر کھلاڑیوں کی ہمت افزائی کریں گے۔
میچس کی جملہ تفصیلات اس طرح ہیں: