برمنگھم،3؍جون(ایس او نیوز؍آئی این ایس انڈیا)دفاعی چمپئن ہندوستانی ٹیم آئی سی سی چیمپئنز ٹرافی کے اپنے پہلے میچ میں کل روایتی حریف پاکستان سے کھیلے گی تو اس کا مقصد میدان سے باہر کے تنازعات پر بھی توڑ کرنا ہوگا اگرچہ اس میچ میں مہم جوئی اور کشیدگی بھی بھرپور دیکھنے کو ملے گی۔موجودہ دور کے بہترین تیز گیند بازوں میں سے ایک محمد عامر اور کرشمائی بلے باز وراٹ کوہلی کے درمیان کی جنگ دیکھنے کے قابل ہو گی۔یہ مقابلہ اگر پاکستانی گیند بازوں اور ہندوستانی بلے بازوں کے درمیان کہا جائے تو کوئی غلط نہیں ہوگا۔ہندوستان کے پاس کوہلی، روہت شرما، شکھر دھون، یوراج سنگھ اور مہندر سنگھ دھونی جیسے بلے باز ہیں۔وہیں پاکستانی خیمے میں عامر اور جنید خان جیسے بالر ہے جو یہاں کی دوستانہ پچوں پر قہربرپاکرسکتے ہیں۔ویسے بھی پاکستانی ٹیم اپنا دن ہونے پر کسی کو بھی شکست دی سکتی ہے اور خراب دن پر کسی سے بھی ہار سکتی ہے۔ہندوستان کے لیے تشویش کا سبب بالنگ مجموعہ ہوگا اگرچہ آل راؤنڈرہاردک پانڈیا ٹیم کو متوازن کرتے ہیں۔جسپریت بمرا اور بھونیشور کمار کا کھیلنا طے ہے جبکہ امیش یادو شاندار فارم میں ہیں۔محمد سمیع کے پاس مختلف تنوع ہے اور بہترین بلے بازوں کو وہ پریشان کر سکتے ہیں۔پاکستان کے ٹاپ آرڈرمیں دائیں ہاتھ کے بالر ہیں لہذا ٹیم میں روندر جڈیجہ کی جگہ لینا آر اشون کے لیے سخت چیلنج ہوگا۔