کراچی: ٹریفک پولیس کے افسر، اہلکار کی ٹارگٹ کلنگ

Source: S.O. News Service | Published on 11th August 2017, 8:28 PM | عالمی خبریں |

کراچی،11اگست(ایس او نیوز/آئی این ایس انڈیا)کراچی میں مسلح افراد کی فائرنگ سے ٹریفک پولیس کے ایک افسر اور ان کا ڈرائیور ہلاک ہوگئے ہیں۔واقعہ جمعے کی صبح کراچی کے علاقے عزیز آباد میں پیش آیا جہاں دو موٹر سائیکلوں پر سوار چار مسلح افراد نے ڈی ایس پی ٹریفک حنیف خان کی گاڑی پر فائرنگ کردی۔فائرنگ سے حنیف خان اور ان کا ڈرائیور موقع پر ہی ہلاک ہوگئے۔ مقتول ڈرائیور بھی ٹریفک پولیس کا اہلکار تھا۔پولیس حکام کے مطابق حملہ آوروں نے ڈی ایس پی کی گاڑی پر دونوں طرف سے فائرنگ کی اور 24 سے زائد گولیاں برسائیں۔واقعے کے بعد پولیس اور رینجرز کے اہلکاروں نے موقع پر پہنچ کر گولیوں کے خول اور دیگر شواہد اکٹھے کیے۔
پولیس حکام کا کہنا ہے کہ واقعے کی تحقیقات کے لیے علاقے میں نصب سی سی ٹی وی کیمروں کی فوٹیج سے بھی مدد لی جائے گی۔
کراچی میں ایک ماہ سے بھی کم عرصے کے دوران ٹریفک پولیس کے اہلکاروں پر فائرنگ کا یہ دوسرا واقعہ ہے۔اس سے قبل 24 جولائی کو ابوالحسن اصفہانی روڈ پر موٹر سائیکل سوار ملزمان نے فائرنگ کرکے ڈیوٹی پر موجود ٹریفک پولیس کے ایک اہلکار کو ہلاک اور دوسرے کو زخمی کردیا تھا۔کراچی میں دو سال قبل بھی ٹریفک پولیس کے اہلکاروں کو نشانہ بنانے کا سلسلہ شروع ہوا تھا لیکن پولیس کی جانب سے ملزمان کی گرفتاری کے دعوے کے بعد یہ سلسلہ تقریباً ختم ہوگیا تھا۔البتہ پولیس اہلکاروں کی ٹارگٹ کلنگ کے واقعات میں حالیہ چند ماہ کے دوران تیزی آئی ہے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...