بہار:مظفر پور میں شراب کے نشے میں مدہوش شرابی شوہر نے بیوی اور بیٹی پرپھینک دیا تیزاب
پٹنہ،13؍نومبر (ایس او نیوز؍آئی این ایس انڈیا) بہار میں شراب بند ہے۔ایسے میں شرابی اب بھی کہیں نہ کہیں سے شراب کا انتظام کر ہی لیتے ہیں۔ایسے ہی ایک شرابی کے گھر کے لوگ جب اسے شور کرنے اور مارپیٹ کرنے سے منع کیا، تو شراب کے نشے میں مدہوش اس شرابی نے اپنی ہی بیوی اور بیٹی پر تیزاب پھینک کر انہیں زخمی کر دیا۔یہ واقعہ بہار کے مظفر پورکا ہے۔مظفر پور ضلع کے برہم پورا تھانے کے جورن چھپرا علاقے میں زیورات کا کاروباری شورام ورما نے نشے کی حالت میں اپنی بیٹی اور بیوی پر تیزاب پھینک دیا۔اس واقعہ میں دونوں شدید زخمی بتائے جا رہے ہیں۔مقامی لوگوں نے ماں بیٹی کو صدر اسپتال میں داخل کرایا ہے۔خاتون نے پولیس کو بتایا کہ ملزم شوہر نشے کی حالت میں گھر آیا اور گالی دے کر گھر میں توڑ پھوڑ شروع کر دی۔جب وہ اور ان کی بیٹی سمجھانے گئیں تو ملزم شوہر مارپیٹ کرنے لگا۔جب انہوں نے اس بات کی مخالفت کی تو ملزم شوہر نے زیور صاف کرنے والے تیزاب کو اٹھا کر ان کے جسم پر پھینک د۔پولیس جب ملزم کے گھر پہنچی تو اس نے خود کو کمرے میں بند کر اندر سے کنڈی لگا لی۔پولیس نے اسے باہر نکلنے کو کہا تو چاقو مار کر خود کشی کرنے کی دھمکی دینے لگا۔کچھ دیر انتظار کرنے کے بعد دروازہ توڑ کراسے باہر نکالا گیا۔ادھر اسپتال کے ڈاکٹروں نے فی الحال دونوں کو خطرے سے باہر بتایا ہے۔پولیس نے اس وقت ملزم کو گرفتار کر لیا ہے۔ پولیس کی ابتدائی تحقیقات میں پتہ چلا ہے کہ گھریلو تنازعہ میں ملزم شورام نے واقعہ کو انجام دیا ہے۔تھانہ انچارج اوپیندر کمار سنگھ نے بتایا کہ عورت کے بیان پر ایف آئی آر درج کر کے ملزم شیورام ورما کو جیل بھیجا جائے گا۔