بنگلورو:29/اپریل(ایس او نیوز) نشیلی اشیاء کے فروخت کے الزام پر سی بی بی پولیس نے نائیجریا کے دو باشندوں کو گرفتار کرنے میں کامیابی حاصل کرلی ہے۔گرفتار شدہ ملزمین کی شناخت کوگیلو مین روڈ کے ویالو اور فرانک کی حیثیت سے کی گئی ہے۔ ان سے 1.25لاکھ روپیوں کی مالیت کی کوکین، ایم ڈی ایم اے، ایل ایس ڈی پیپر، موبائل اور ٹو وہیلرس ضبط کرلئے ہیں۔ بتایاجاتاہے کہ یہ لوگ غیر قانونی طریقے سے ملک میں رہتے تھے، اور جعلی دستاویزات کے ذریعہ حاصل شدہ سم کارڈ کی مدد سے نشیلی اشیاء فروخت کیا کرتے تھے۔جس کی اطلاع پاکر پولیس نے انہیں چھاپہ مارتے ہوئے گرفتار کرلیا۔ اس خصوص میں یلہنکا پولیس نے مقدمہ درج کرلیا ہے۔ ان پر کے آر پورم پولیس تھانہ میں بھی نشیلی اشیاء فروخت کرنے کے الزام پر مقدمہ درج تھا۔ جس میں فرانک کو مشروط ضمانت حاصل ہوئی تھی۔