بھٹکل 29/جولائی (ایس او نیوز)  مشہور سیاحتی مقام مرڈیشور سمندر میں غرق ہوکر لاپتہ ہونے والے نوجوان کی نعش آج اتوار شام قریب ساڑھے پانچ بجے   قریب کے بیلور بیچ سے برآمد  کرلی گئی ہے۔

خیال رہے کہ کل سنیچر کو بنگلور ، یلہنکا کا ایک نوجوان کرن کمار (18)  مرڈیشور سمندر میں غرق ہوکر لاپتہ ہوگیا تھا،  لائف گارڈس کے اہلکاروں نے کل اس کو بچانے کی کافی کوشش کی تھی، مگر وہ دیکھتے ہی دیکھتے سمندر میں  غرق ہوکر لاپتہ ہوگیا تھا۔ قریبی علاقہ بیلور سمندر سے آج اس کی لاش برآمدہوئی ہے۔

نو ممبران پر مشتمل ایک فیملی جمعہ کی شب کو مرڈیشور پہنچی تھی، حادثے کے بعد گھروالوں کا بہت براحال تھا اور اس کی ماں مسلسل رورہی تھی،  بتایا گیا ہے کہ کرن کمار اپنے والدین کا اکلوتا بیٹا تھا۔ 

سمندر سے نعش برآمد ہونے کی اطلاع ملتے ہی مرڈیشور پی ایس آئی اور دیگر اہلکار موقع پر پہنچے اور ضروری کاروائیوں کے بعد نعش کو بھٹکل سرکاری اسپتال پہنچایا، جہاں پوسٹ مارٹم کے بعد نعش گھروالوں کے حوالے کی جائے گی۔