خشک سالی سے نپٹنے میں لاپروائی ناقابل برداشت:کرشنا بائرے گوڈا

Source: S.O. News Service | By Shahid Mukhtesar | Published on 9th January 2019, 11:09 AM | ریاستی خبریں |

بنگلورو،9؍جنوری(ایس او نیوز) ریاست کے 156تعلقہ جات میں خشک سالی کی صورتحال سے نپٹنے کے لئے محکمۂ دیہی ترقیات نے مطلوبہ فنڈز تمام اضلاع کے ڈپٹی کمشنروں کو مہیا کرادئے ہیں۔

خشک سالی سے متاثرہ تعلقہ جات کو امداد فراہم کرنے میں کسی بھی طرح کی کوتاہی برداشت نہیں کی جائے گی۔ فوری طور پر ضلعی انتظامیہ خشک سالی سے نپٹنے کے لئے پینے کے پانی کی سربراہی، اور دیگر انتظامات کرے۔ بصورت دیگر افسروں کے خلاف سخت کارروائی ناگزیر ہے۔ یہ تنبیہ ریاستی وزیر برائے دیہی ترقیات کرشنا بائرے گوڈا نے کی۔

آج شہر میں ریاست کے تمام ضلع پنچایت چیف ایگزی کیٹیو افسروں سے ویڈیو کانفرنس میٹنگ کرتے ہوئے انہوں نے کہاکہ خشک سالی سے نپٹنے میں غفلت کو اب اور برداشت نہیں کیا جاسکتا۔ انہوں نے کہاکہ اس سے پہلے جب سو تعلقہ جات کو خشک سالی سے متاثرہ قرار دیا گیا تھا اس وقت کی راحت کاری کے لئے ہر تعلقہ کو ایک کروڑ روپیوں کا گرانٹ فراہم کرایا گیا۔ ان میں سے صرف 25لاکھ روپے صرف ہوئے ہیں ، اس کے بعد ریاستی حکومت نے 62تعلقہ جات کو مزید رقم فی تعلقہ 50 لاکھ روپیوں کے حساب سے مہیا کرائی ، اس میں سے بھی صرف 25لاکھ روپیوں کی رقم صرف کی گئی۔ فنڈز فراہم کرنے میں ناکام افسروں کو آڑے ہاتھوں لیتے ہوئے انہوں نے کہاکہ متاثرین کی امداد میں اس طرح کی لاپر وائی اب برداشت نہیں کی جائے گی۔ جتنا فنڈ مہیا کرایا جائے اسے 10جنوری تک مکمل طور پر استعمال میں لایا جائے اور فوری طور پر فنڈز استعمال کرنے کے احکامات جاری کردئے جائیں۔ جن تعلقہ جات میں پینے کے پانی کی شدید قلت ہے وہاں پر نئے بورویلس کھدوانے کے ساتھ ٹینکروں کے ذریعے پانی کی فراہمی کے انتظامات کئے جائیں۔ اس ویڈیو کانفرنس کے دوران محکمے کے پرنسپل سکریٹری ایل کے عتیق ، اور دیگر اعلیٰ عہدیدار موجو دتھے۔

ایک نظر اس پر بھی

کرناٹک سدھ گنگا مٹھ کے سوامی شیو کمارکا 111 سال کی عمر میں انتقال؛ ریاست بھر میں ماتم؛ کل منگل کو اسکولوں میں چھٹی

ریاست کرناٹک کے معروف سوامی اور سدھ گنگا پیٹھ کے سربراہ 111سالہ شیو کمار سوامی جی آج پیر کو  انتقال کرگئے۔ ان کے انتقال پر پوری ریاست میں ماتم چھا گیا اور  وزیر اعلی ایچ ڈی کمارسوامی نے کل منگل کو  سبھی اسکولوں اور کالجوں میں چھٹی  کا اعلان کیا۔

ہم بے قصور تھے، مگر وہ ہماری زبان سمجھنے سے قاصر تھے، ایرانی حراست سے رہا ہونے کے بعد ماہی گیروں کا بھٹکل میں والہانہ استقبال

دبئی سمندر میں ماہی گیر ی کے دوران ایرانی پولیس کی تحویل میں رہنے کے بعد واپس لوٹنے والے کمٹہ اور بھٹکل کے ماہی گیروں کا کہنا ہے کہ ان کے لئے سب سے بڑا مسئلہ زبان کا تھا۔ ایرانی افسران ان کی زبان سمجھ نہیں رہے تھے ۔ اور ایرانی سمندری سرحد پار نہ کرنے کا یقین دلانے کے باوجود وہ لوگ ...

کاروار: بیچ سمندر میں کشتی اُلٹ گئی؛ دس سے زائد ہلاک ؛ راحت اور بچاو کا کام جاری، 25 سے زائد لوگ تھے کشتی پر سوار

کاروار میں کورم گڑھ جاترا کے لئے نکلی ایک کشتی بیچ سمندر میں ڈوب جانے سے کشتی پر سوار چھ لوگوں کی موت واقع ہونے کی اطلاع موصول ہوئی ہے، بتایا گیا ہے کہ مرنے والوں کی تعداد میں اضافہ ہونے کا خدشہ ہے کیونکہ کشتی پر موجود 25 سے زائد لوگوں میں دو چار لوگوں کو ہی بچانے کی خبر ملی  ہے، ...

ناگور جمعہ مسجد میں خنزیر کے اجزاء پھینکے جانے کا معاملہ؛ بیندور پولس نے کیا 5 ملزمین کو گرفتار

ایک ہفتے قبل رات کے اندھیرے میں ناگور کی نور جمعہ مسجد کے کمپاؤنڈ میں شرپسندوں نے خنزیر کے کٹے ہوئے اجزاء پھینک کر فرقہ وارانہ کشیدگی پیدا کرنے کی کوشش کی تھی ، اس سلسلے میں بیندور پولیس نے 5ملزمین کو گرفتار کرلیا ہے۔

ہائی کمان کہے تو وزارت چھوڑ نے کیلئے بھی تیار : ڈی کے شیو کمار

ریاست میں سیاسی گہما گہمی کا فی تیز ہونے لگی ہے ۔ ایک طرف جہاں کانگریس اور جنتادل( سکیولر) اپنی مخلوط حکومت کو بچانے میں لگے ہیں وہیں بھارتیہ جنتا پارٹی ( بی جے پی ) نے آپریشن کنول کے ذریعہ دیگر پارٹیوں کے اراکین اسمبلی کو خریدکر برسر اقتدار آنے کے حربے جاری رکھے ہیں۔