بھٹکل کے آسارکیری علاقے کے کنوؤں میں ڈرینیج کا پانی شامل :پینے کے پانی کی قلت؛ متبادل انتظام کے لئے عوام کا مطالبہ
بھٹکل :22؍مارچ (ایس او نیوز) تعلقہ کے بلدیہ حدود کے آسارکیری میں 10سے 15گھروں کے کنوؤں میں ڈرنیج کا پانی شامل ہونے سے پینے کا پانی گندہ ہوگیا ہے۔
آسارکیری کے مہادیو نائک، محمد وسیع اللہ ، گنپتی نائک، منی کنٹھ پجاری سمیت پاس پڑوس کے گھروں کے کنوئیں ڈرنیج پانی سے گدلے ہوگئے ہیں، کنوؤں کا پانی سیاہ ہوگیا ہے ، پانی گدلہ ہونے سے کنوؤں کی چھوٹی چھوٹی مچھلیاں مرگئی ہیں، ماحول میں بدبو پھیل رہی ہے، جس کی وجہ سے عوام میں مرض کا خوف بڑھ رہاہے۔ افسران انتخابی کاموں میں مشغول رہنے سے عوامی مسائل کی طرف کوئی توجہ نہیں دے پارہاہے۔ ڈرینیج کے غیر سائنٹفک کام کی وجہ سے ایسے مسائل جنم لے رہے ہیں، بلدیہ انتظامیہ فوری طورپر کارروائی کرنی ہوگی، متعلقہ متاثرہ گھروں کو پینے کے پانی کی سپلائی کرنے علاقے کے عوام نے مطالبہ کیا ہے۔