منگلورو کی ڈاکٹر سلمہ سُہاناباوقار امریکی ایوارڈ کے لئے منتخب

Source: S.O. News Service | By I.G. Bhatkali | Published on 10th January 2019, 1:23 PM | ساحلی خبریں | ان خبروں کو پڑھنا مت بھولئے |

منگلورو 10جنوری (ایس او نیوز) منگلورو سے تعلق رکھنے والی ڈاکٹر سلمہ سُہانا جو اس وقت داونگیرے کی SSIMS and RC کالج میں سوپر اسپیشالیٹی کا کورس کررہی ہیں، انہیں امریکہ کی اکیڈیمی آف نیورولوجی نے اپنے باوقار ایوارڈ کے لئے چن لیا ہے۔ واضح رہے کہ انٹرنیشنل اسکالرشپ کے اس ایوارڈ کے لئے کے دنیا بھر سے 30ماہرین کو چنا گیا ہے جس میں ڈاکٹر سلمہ بھی شامل ہیں۔

ڈاکٹر سلمہ سہانا نے فادر مولر میڈیکل کالج سے ایم بی بی ایس کیا ہے اور اس دوران کالج کی بہترین میڈیکل اسٹوڈنٹ کی حیثیت سے انہیں گولڈ میڈل سے نوازا جاچکا ہے۔جبکہ راجیو گاندھی یونیورسٹی آف ہیلتھ سائنسس کی طرف سے وہ  دو گولڈ میڈل بھی حاصل کرچکی ہیں۔بعد میں ڈاکٹر سلمہ نے کیمپے گوڈا انسٹی ٹیوٹ آف میڈیکل سائنسس بنگلورو سے جنر ل میڈیسن میں ایم ڈی کی ڈگری حاصل کی ۔

امریکہ کی اکیڈیمی آف نیورولوجی نے ڈاکٹر سلمہ کو ان کے ’سیریبرل وینس تھرمبوسس‘ کے موضوع پر تحقیقی مطالعے کے اعتراف میں اس ایوارڈ کے لئے منتخب کیا ہے جو کہ فلاڈیلفیا میں منعقد ہونے والے گلوبل کنونشن آف نیرولوجسٹس میں انہیں پیش کیا جائے گا۔

ڈاکٹر سلمہ سہانا نیو منگلورو پورٹ ٹرسٹ کے ریٹائرڈ ڈپٹی ڈائریکٹر خالد تنّیر باوی کی دختر ہیں او ر ان کے شوہر ڈاکٹر شکیل سعودی عربیہ کی قصیم یونیورسٹی میں اسسٹنٹ پروفیسر آف ڈینٹل سائنسس کی خدمات انجام دے رہے ہیں۔ڈاکٹر سلمہ کے سسر موسیٰ کنہی نیر مولے ریٹائرڈ جج ہیں۔

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔ 

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...

ایچ کے پاٹل نے راہل گاندھی کو بھیجا استعفیٰ

ریاست میں کانگریس کے تشہیری مہم کمیٹی کے صدر ایچ کے پاٹل نے لوک سبھا انتخابات میں ریاست میں پارٹی کی شکست کی اخلاقی ذمہ داری لیتے ہوئے اپنے عہدے سے استعفی دینے کی پیشکش کی ہے۔