دوبئی 15؍ اکتوبر ( ایس او نیوز) دبئی میں ڈاکٹر اسماعیل قاضیا کے نئے  ملٹی اسپشلٹی کلنک کا شاندار افتتاح ہوا جس میں ایک عرصہ سے دبئی کے کرامہ میں خدمات انجام دینے والے بھٹکل کے معروف ڈاکٹر اسماعیل قاضیا اپنے فرزند ڈاکٹر محمد داؤد قاضیا کے ساتھ  مریضوں کا علاج کریں گے۔ خیال رہے کہ ڈاکٹر اسماعیل قاضیا کے چاروں فرزند ڈاکٹر ہیں۔

نئی کلینک ڈاکٹر اسماعیل قاضیا ڈے سرجیکل سینٹرکے افتتاح کے موقع پر قائد قوم ایس ایم  سید خلیل الرحمنٰ صاحب، بی ایم کے سی کے  جنرل سکریٹری  محمد  یونس قاضیا صاحب، بی ایم جے ڈی کے  صدر  محمد اشفاق سعدا صاحب اور بہت سارے دیگر ذمہ داران نے شرکت کی اور ڈاکٹر کے ساتھ  نیک خواہشات کا اظہار کیا۔اپنے خیالات کا اظہار کرتے ہوئے ایس ایم سید خلیل الرحمن نے  کہا کہ دبئی میں مقیم بھٹکل کے زیادہ تر لوگ جانتے ہیں کہ  ڈاکٹر اسماعیل کوئی بھی مرض ہو، وہ بہت جلد بیماری کی تشخیص کرتے  ہیں جس کی بنا پر  علاج کرنے میں اُنہیں آسانی ہوتی ہے۔ وہ    ایک منجھے ہوئے  ڈاکٹر ہیں اس لئے دبئی میں مقیم زیادہ ترانڈین لوگ کسی بھی طرح کی جسمانی تکلیف ہونے پر اُن کے پاس علاج کے لئے جانا بہتر سمجھتے ہیں،جناب ایس ایم سید خلیل کے مطابق اب ماشاء اللہ ان کے  فرزند بھی ڈاکٹر ہیں اور اس نئی کلینک میں وہ بھی اپنی خدمات انجام دیں گے تو توقع ہے کہ دبئی میں رہنے والے ہندوستانیوں کو ان سے کافی فائدہ ہوگا۔ انہوں نے بھٹکل اور اطراف  کے لوگوں کو بھی اس کلینک سے بھرپور فائدہ اُٹھانے کا مشورہ دیا۔

 ڈاکٹر اسماعیل قاضیا نے اس موقع پر بتایا کہ  اس نئے کلنک میں مریضوں کے لئے  ملٹی طبی سہولیات موجود رہیں گی اور مریض کو کسی بھی طرح کی جانچ کرنی ہو یا خون ٹیسٹ یا دیگر ٹیسٹ کرانے ہوں تو سب کچھ اسی  کلینک میں ممکن ہوگا۔