نیویارک،28؍اگست(ایس او نیوز؍آئی این ایس انڈیا)امریکی ریپبلکن پارٹی کے صدارتی امیدوار ڈونلڈ ٹرمپ نے ہفتے کے روز اس عزم کا اعادہ کیا کہ صدر منتخب ہونے کی صورت میں وہ فوری طور پر غیر قانونی مہاجرین کو ملک بدر کرنے کے عمل کا آغاز کر دیں گے۔ انہوں نے موجودہ صدر باراک اوباما کی انتظامیہ پر الزام عائد کیا کہ اس نے ہزاروں کی تعداد میں مجرمانہ پس منظر رکھنے والے تارکین وطن کو جیلوں سے رہا کیا ہے۔ صدارتی انتخابات میں ٹرمپ کا مقابلہ ڈیموکریٹک پارٹی کی امیدوار ہلیری کلنٹن سے ہوگا۔ نیا امریکی صدر اگلے برس بیس جنوری کو اپنے عہدے کا حلف اٹھائے گا۔