ہند۔چین سرحد کے محافظ کہے جانے والے آئی ٹی بی پی کے 1654جوانوں کوترقی
نئی دہلی،21اگست(ایس او نیوز؍آئی این ایس انڈیا)ہند-چین سرحد پر سرحد کی حفاظت کرنے والے آئی ٹی بی پی کے 1654عہدیداروں اور اہلکاروں کی ترقی دی گئی ہے۔وزیر داخلہ راج ناتھ سنگھ نے گیان بھون میں منظم پروگرام میں رینک لگاکر افسران کو ترقی دی ہے۔پروگرام میں تمام افسران اور دیگر ماتحت افسران کو پروموشن دیا گیا۔آئی ٹی بی پی 3488کلومیٹر ہمالیہ سرحد کی نگرانی میں بنیادی طور پر تعینات ہیں۔
ان افسران اور فوجیوں کا پروموشن گزشتہ 6سالوں تک روک دیا گیا تھا۔اس موقع پر مرکزی وزیر داخلہ راج ناتھ سنگھ نے کہا کہ ایسے نوجوان اور افسران جن کا 2011سے پروموشن ہونا چاہیے تھا کچھ وجوہات سے اس میں تاخیر ہوئی ہے۔راج ناتھ سنگھ نے کہا کہ کانسٹیبل سے حکام کو ہر ایک کو پروموشن دینا چاہیے لیکن یہ پروموشن نہیں دیا جاسکا۔جوانوں کی تعریف کرتے ہوئے وزیر داخلہ نے کہا کہ 6سال کی تاخیر ہونے کے باوجود بھی ہمارے ملک کے جوانوں میں اتنا تحمل ہے کہ انہوں نے آداب کو برقرار رکھا اور اس پروگرام میں مکمل دلجمعی کے ساتھ لگے رہے۔
مرکزی وزیر داخلہ راجناتھ سنگھ نے کہا کہ آج کا دن وزارت داخلہ کا شکریہ ادا نہیں کرنے کا دن نہیں بلکہ یہ فوجیوں کو مبارک باد دینے کا ایک دن ہے۔انہوں نے کہا کہ ہمیں معلوم ہے کہ سیل اور افسران کے پروموشن سے ان کا حوصلہ بڑھتا ہے پر آخری 6 سال سے ان جوانوں کا پروموشن نہیں ہوا اس کے باوجود بھی یہ کہہ سکتا ہوں کہ ان کے حوصلے میں کبھی بھی کوئی کمی نہیں آئی ہے۔وزیر داخلہ نے فوجیوں کی دشواریوں کا ذکر کرتے ہوئے جتنی جلد ممکن ہو سکے ان کوختم کرنے کی یقین دہانی کرائی۔
پروگرام میں موجود وزیرمملکت برائے امور داخلہ کرن رججو نے بھی جوانوں کی حوصلہ افزائی کی۔انہوں نے کہا کہ ملک میں اس زمین اور پالیسی بنانے والے کے درمیان میں کوئی فرق نہیں ہونا چاہئے، ہم اب دعوے کے ساتھ کہہ سکتے ہیں کہ وزیر اعظم اور وزیر داخلہ کے سبب اب ملک میں سرحد پر کام کرنے والے اور پالیسی بنانے والوں میں کوئی بھی اختلاف نہیں ہوگا۔