سرینگر،23؍جولائی(ایس او نیوز؍آئی این ایس انڈیا)جموں وکشمیرکی وزیراعلیٰ محبوبہ مفتی نے امریکہ، چین یا کسی بھی دوسرے ملک سے کشمیر مسئلے کو لے کر ثالثی کرانے سے متعلق تجاویزکومستردکرتے ہوئے کہا کہ بھارت اور پاکستان کومسئلے کاحل کرنا ہو گا۔محبوبہ مفتی نے امریکہ سے ثالثی کرنے کی تجویزدینے کے لیے نیشنل کانفرنس لیڈر فاروق عبداللہ پر نشانہ لگاتے ہوئے کہا کہ کیا وہ چاہتے ہیں کہ کشمیر کے حالات بھی شام، افغانستان یا عراق جیسے ہوجائیں، جہاں امریکہ نے مداخلت کی ہیں۔انہوں نے کہاکہ امریکہ ہو یا چین، انہیں اپنے کام سے کام رکھناچاہئے۔امریکہ نے جہاں بھی مداخلت کی، آپ افغانستان، شام اور عراق کی صورت حال دیکھیں۔محبوبہ نے جنوبی کشمیر کے اننت ناگ میں کہاکہ چین کی تبت کو لے کر آپ کا ہی مسئلہ ہے۔تومجھے لگتا ہے کہ ہمارے پاس یہاں ایک سانچہ ہے جو یہ ہے کہ بھارت اور پاکستان کو جنگ کے بعد بھی بات کرنی ہوگی۔ہمیں دو طرفہ بات کرنی ہوگی اور امریکہ، ترکی یا برطانیہ ہمارے ساتھ کیا کر سکتے ہیں؟ ۔وہ سابق وزیر اعلی اور موجودہ لوک سبھا رکن فاروق عبداللہ کی اس تبصرہ کو لے کر اکثر پوچھے گئے سوال کا جواب دے رہی تھیں جس میں انہوں نے کہاتھا کہ کشمیرمسئلے کے حل کے لئے بھارت کو دوستوں کی مددلینی چاہئے۔