تین اراکین اسمبلی ممبئی میں قیام کئے ہوئے ہیں کون ہیں ، کس سے ملنے گئے ہوئے ہیں؟ ابھی نہیں بتا سکتا:شیو کمار

Source: S.O. News Service | By Shahid Mukhtesar | Published on 14th January 2019, 11:18 AM | ریاستی خبریں | ملکی خبریں |

بنگلورو،14؍جنوری (ایس او نیوز ) ریاست کے تین اراکین اسمبلی ممبئی میں قیام کئے ہوئے ہیں۔ تاہم وہ کس پارٹی سے تعلق رکھتے ہیں اس بات کی وضاحت میں ابھی نہیں کرسکتا ۔ یہ باتیں ریاستی وزیر برائے آبی وسائل ڈی کے شیو کمار نے کہیں۔ بروزاتوار نامہ نگاروں سے انہوں نے بات چیت کی ۔ اس موقع پر انہوں نے کہا کہ تین اراکین اسمبلی ممبئی میں ہیں۔ اگر میں ان تینوں کے نام ظاہر کردوں تو یہ خبر میڈیا کے ذریعہ وائرل ہوجائے گی۔اس سے اراکین اسمبلی کو اذیت پہنچے گی جو میں نہیں چاہتا۔ اتنا جانتا ہوں کہ وہ ممبئی گئے ہوئے ہیں ۔ لیکن کس سے ملاقات کریں گے یہ معلوم نہیں ہے ۔ البتہ تینوں اراکین اسمبلی کس ہوٹل میں قیام کئے ہوئے ہیں یہ میں جانتا ہوں ۔ انہوں نے مزید کہا کہ ہم بی جے پی کے آپریشن کنول کا جواب دینے کیلئے تیار ہیں ۔ بی جے پی کے کئی اراکین اسمبلی ہمارے رابطہ میں ہیں ۔ رکن اسمبلی بی سی پاٹل اپنی بیٹی کی شادی کی مناسبت سے گھریلو کاموں میں مصروف ہیں۔ اس سلسلہ میں بھاگ دوڑ کررہے ہیں ۔ پارٹی میں ان کو آئندہ اچھا مقام ملنے والا ہے ۔ دیگر اراکین اسمبلی اپنے اپنے حلقوں میں سرگرم عمل ہیں ۔ بی جے پی پر تنقید کرتے ہوئے انہوں نے کہا کہ سنکرانتی تہوار کے بعد ریاست میں کرانتی آنے والی ہے ۔اس قسم کے بیان کے ذریعہ بی جے پی عوام کو مخمصہ میں پھنسا رہی ہے اور انارکی پیدا کرنے کی کوشش کررہی ہے۔ سرکار گرانے کی تاریخ طے کرنے اور جیل بھیجنے کی باتیں بھی بی جے پی قائدین کرتے نظر آرہے ہیں ۔ اراکین اسمبلی کو لالچ دےئے جانے کے سلسلہ میں اے سی بی اور آئی ٹی سے شکایت کی گئی ہے ۔ لیکن تفتیش و تحقیق کانتیجہ کیا نکلا کسی کو معلوم نہیں ہے ۔ انہوں نے واضح طور پر کہا کہ کون اور کس پارٹی نے اراکین اسمبلی کو کتنی رقم کا لالچ دیا ہے۔ یہ تمام باتیں ذرائع ابلاغ میں آئی ہیں، وزیر اعلیٰ کمار سوامی نے تمام باتوں کو سنجیدگی سے لیا ہے ۔ وزیر اعظم نریندر مودی نے ریاستی وزیراعلیٰ کمار سوامی کو کلرک کہتے ہوئے طنز کیا ہے ۔ اس طنز پر سابق وزیر اعظم ایچ ڈی دیوے گوڈا ، سابق وزیر اعلیٰ سدارامیا اور کے پی سی سی کے صدر دنیش گنڈوراؤ نے تبصرہ کیاہے ،میں کچھ بھی نہیں کہوں گا۔

ایک نظر اس پر بھی

سابق ماہی گیر وزیر پرمود مادھوراج نےملپے سے سات ماہی گیروں کے ساتھ بوٹ کی گم شدگی کے لئے نیوی کو قرار دیا ذمہ دار

اڈپی اورچکمگلورو سیٹ سے جنتادل اور کانگریس کے مشترکہ امیدوار اور سابق وزیر ماہی گیری پرمود مادھو راج نےسات ماہی گیروں کے ساتھ سوورنا تریبھوجا نامی کشتی کی گم شدگی کے لئے بحری فوج کو ذمہ دار قرار دیا ہے۔

انتخابات کیلئے سرمایہ اکٹھا کرنے اولاٹیکسی پرپابندی عائد کی گئی تھی۔ گوڑا

مرکزی وزیر ڈی وی سداننداگوڑا نے الزام لگایا ہے کہ انتخابات کے لئے سرمایہ توقع کے مطابق جمع نہ ہونے کی وجہ سے کانگریس ۔ جنتادل (یس) مخلوط حکومت نے اولا ٹیکسی خدمات پر6؍ماہ کے لئے پابندی عائد کی تھی۔

دیوے گوڈا ٹمکورسے نامزدگی داخل کریں گے، کانگریس کے موجودہ ایم پی مدوہنومے گوڈا بھی اس حلقہ سے نامزدگی داخل کرنے پر بضد

اب تک بھی یہ خبریں ہیں کہ جے ڈی ایس کے سربراہ ایچ ڈی دیوے گوڈا ٹمکورپارلیمانی حلقہ سے چناؤ لڑیں گے۔ کانگریس اور جے ڈی ایس کے درمیان سیٹوں کی تقسیم میں ٹمکور حلقہ جے ڈی ایس کے حصے میں گیاہے ،

چوکیدارکا ٹھپہ نہیں چاہتی پرائیویٹ سیکورٹی انڈسٹریز

قریب 80 لاکھ پرائیویٹ سیکورٹی گارڈز والی انڈسٹری وزیر اعظم نریندر مودی کے ’چوکیدار‘ مہم سے بہت حوصلہ افزاء نہیں ہے، البتہ وہ اپنی بہت مشکلات کو لے کر خود مرکزی حکومت سے لڑ رہی ہے۔سیکورٹی سروسز پر 18فیصد جی ایس ٹی کے خلاف برسرپیکار رہی کمپنیاں اب حکومت پر وعدہ خلافی کا الزام لگا ...

بورڈنگ پاس پر مودی کی تصویر پر تنقید کے بعد ایئر انڈیا نے انہیں واپس لیا

ایئر انڈیا نے تنقید کے بعد وزیر اعظم نریندر مودی اور گجرات کے وزیر اعلی وجے روپانی کی تصاویر والے بورڈنگ پاس واپس لینے کا فیصلہ کیا ہے۔ایئر لائنز نے پہلے کہا تھا کہ تصاویر والے بورڈنگ پاس تیسری پارٹی کے اشتہارات کے طور پر جاری کئے گئے اور اگر یہ مثالی ضابطہ اخلاق کی خلاف ورزی ...

دہلی میں خدمات پر کنٹرول کے معاملے پر فیصلے کیلئے وسیع بنچ بنائے عدالت عظمی: آپ حکومت

قومی راجدھانی دہلی میں انتظامی خدمات پر کنٹرول کے معاملے پر جلد فیصلہ لینے کے لیے آپ حکومت نے پیر کو سپریم کورٹ سے ایک وسیع بنچ قائم کرنے کی درخواست کی۔چیف جسٹس رنجن گوگوئی اور جسٹس دیپک گپتا کی بنچ کے سامنے اس معاملے کا ذکر کیا گیا تو بنچ نے آپ حکومت کے وکیل سے کہا کہ اس پر غور ...

عدالت نے منی لانڈرنگ کیس میں گوتم کھیتان اور تین دیگر کو طلب کیا

دہلی کی ایک عدالت نے منی لانڈرنگ کے ایک معاملے میں ای ڈی کی طرف سے چارج شیٹ داخل کئے جانے کے بعد پیر کو وکیل گوتم کھیتان، ان کی بیوی ریتو اور دو کمپنیوں اسمیکس اور ونڈفور کو طلب کیا۔خصوصی جج اروند کمار نے چاروں ملزمان کو چار مئی کو پیش ہونے کے لئے کہا ہے

سبرامنیم سوامی بولے: میں برہمن ہوں، چوکیدار نہیں ہو سکتا

کانگریس کی جانب سے 'چوکیدار چور ہے" کا نعرہ اچھالے جانے کے جواب میں بھارتیہ جنتا پارٹی نے " میں بھی چوکیدار ہوں' کیمپین شروع کیا۔ اس کے بعد وزیر اعظم نریندر مودی سمیت بی جے پی کے تقریبا سبھی لیڈران نے مائیکرو بلاگنگ سائٹ ٹویٹر پر اپنے نام کے آگے 'چوکیدار' لفظ لگایا لیا۔