اکھنڈسرینواس مورتی کو کانگریس ٹکٹ کیلئے ضمیر احمد کی حکمت عملی، جے ڈی ایس کے باغی رکن اسمبلی سے شیوکمار کی ملاقات

Source: S.O. News Service | By Shahid Mukhtesar | Published on 10th January 2018, 12:11 PM | ریاستی خبریں |

بنگلورو،9؍جنوری(ایس او نیوز) ریاست کرناٹک میں اسمبلی انتخابات کے لئے صرف چار ماہ باقی رہ گئے ہیں۔ اس لئے ریاست بھر میں لیڈروں نے سرگرمیاں تیز کردی ہیں۔ جے ڈی ایس کے سات باغی اراکین اسمبلی کانگریس میں باقاعدہ شامل ہونے کیلئے تمام تیاریاں تقریباً مکمل کرلئے ہیں۔ بی زیڈ ضمیر احمد خان اور چلوارائے سوامی جے ڈی ایس کے باغی اراکین اسمبلی کی قیادت کررہے ہیں۔ آئندہ ہونے والے اسمبلی انتخابات ان باغی اراکین اسمبلی کو ان کے موجودہ اسمبلی حلقوں سے کانگریس ٹکٹ تقریباً طے ہے۔ ذرائع کے مطابق کئی مرتبہ ان اراکین اسمبلی سے کانگریس صدر راہل گاندھی سے راست بات چیت ہوچکی ہے۔ بنگلور میں پلکیشی نگر اسمبلی حلقہ ریزروحلقہ ہے ، جے ڈی ایس کے باغی رکن اسمبلی اکھنڈ سرینواس مورتی اس حلقے کی نمائندگی کررہے ہیں۔ آئندہ اسمبلی انتخابات میں اس حلقے سے کانگریس کی ٹکٹ پر چناؤ لڑنے شہر کے مےئر سمپت راج کی نظر پلکیشی نگر پر تھی۔ ریاستی وزیر برائے توانائی وکے پی سی سی تشہیری کمیٹی کے صدر ڈی کے شیوکمار مےئر کے گاڈفادر ہیں۔ اس حلقے سے اگر سمپت راج کو ٹکٹ دیاجاتاتو اکھنڈ سرینواس مورتی کو کانگریس ٹکٹ سے محروم ہوناپڑتا۔ اس صورتحال کو محسوس کرتے ہوئے بی زیڈ ضمیر احمد خان اپنے ساتھی کی ٹکٹ محفوظ کرنے کے مقصدسے ایک حکمت عملی کے تحت ڈی کے شیوکمار کو آج صبح اکھنڈ سرینواس مورتی کی رہائش گاہ لے جاکر ان سے ملاقات کروائی، جہاں پر تمام لیڈروں کے لئے ناشتہ کا بھی انتظام کیاگیاتھا۔ اس موقع پر مورتی نے شیوکمار اور ضمیر احمدخان کو تہنیت پیش کی۔ اس موقع پر ان لیڈروں نے ریاست کی سیاسی صورتحال پرکافی دیر تک تبادلہ خیال بھی کیا۔ حال ہی میں ریاستی وزیراعلیٰ سدارامیا کے ساتھ دہلی میں جے ڈی ایس کے باغی اراکین اسمبلی نے راہل گاندھی اور دیگر سینئر لیڈروں سے ملاقات کی تھی۔ اس موقع پر کانگریس ہائی کمان نے انہیں پارٹی میں شامل کرنے گرین سگنل دیدیاہے۔ کہاجارہاہے کہ جے ڈی ایس کے مزید دواراکین اسمبلی عنقریب پارٹی چھوڑکر کانگریس میں شامل ہوجائیں گے ۔ اگلے ماہ راہل گاندھی شہر بنگلور آرہے ہیں، اس موقع پر جے ڈی ایس کے باغی اراکین اسمبلی کانگریس میں شامل ہونے کا امکان ہے اس سلسلہ میں پارٹی میں صلاح مشورہ جاری ہے۔

ایک نظر اس پر بھی

ویمن انڈیا موؤمنٹ کی جانب سے 23 ستمبر کو بنگلور سے شروع ہورہی ہے خواتین کے تحفظ کو لے کر ملک گیر مہم

ویمن انڈیا موؤمنٹ (Women India Movement) نے 23ستمبر 2018تا 8 مارچ 2019 " خواتین پر تشدد بند کرو " اور "ّ آئیے ہمارے تحفظ کیلئے لڑائی لڑیں " کے نعروں کے تحت  ایک ملک گیر مہم  شروع  کرنے کا اعلان کیا ہے جس کے لئے  ملک کی خواتین سے اپیل کی گئی  ہے کہ وہ اس ملک گیر تحریک میں شامل ہوکر اپنے حالات ...

جنوبی ہند کے مشہور ومعروف عالم دین حضرت مولانا زکریا والا جاہی کا انتقال

نوبی ہند کے مشہور ومعروف،ممتاز جیدعالم دین زکریا صاحب والا جاہی طویل علالت کے بعد آج صبح 10؍بجے اپنے مالک حقیقی سے جاملے۔ مولانا کو شیواجی نگرکے براڈوے کی ان کی رہائش پر آخری دیدار کے لئے رکھا گیا تھا۔

یڈیورپا میرے صبر کا امتحان نہ لیں؛ حکومت کو گرانے کی بارہا کوشش بی جے پی کو زیب نہیں دیتی: کمار سوامی کا بیان

وزیر اعلیٰ ایچ ڈی کمار سوامی نے ریاستی بی جے پی صدر یڈیورپا کو متنبہ کیا ہے کہ بارہا ریاستی حکومت کو گرانے کی کوشش کرکے وہ ان کے صبر کا امتحان نہ لیں۔اگر یہ کوشش جاری رہی تو یڈیورپا کو اس کی بھاری قیمت ادا کرنی پڑے گی۔